Самарқандда "Динамо" Олмалиқ шаҳрининг АГМК клубини қабул қилади. Учрашув 17:30да бошланади. Қуйида ўйинга оид баъзи маълумотларни келтириб ўтамиз.

"Динамо"

- "Динамо" жадвалда 9 очко билан 7-ўринда боряпти. Жамоа иккита ўйинда ғалаба қозонимб, уч бор дуранг ўйнади. Шунингдек, икки марта мағлуб бўлди. Тўплар нисбати 8-9.

- "Динамо" охирги 3 турдан бери юта олмаяпти. Самарқандликлар "Андижон" ва "Навбаҳор" билан дуранг ўйнаб, "Пахтакор"га имкониятни бой беришди. Қизиғи шундаки, "Динамо" охирги учта ўйиндан бери ўз дарвозасидан 2тадан гол ўтказиб юборяпти.

- "Динамо"нинг охирги иккита учрашуви бир хил натижа билан якун топди - 2:2.

- "Динамо" ўз майдонида тўртта учрашувда майдонга тушиб иккитадан ғалаба ва дуранг қайд этди. Жамоа Самарқандда ҳали ютқазгани йўқ.

- "Динамо" шу пайтгача АГМК билан жами 18 марта ўйнаб, шундан олтитасида зафар қучган.

АГМК

- Миржалол Қосимов бошчилигидаги АГМК 7 очко билан 11-ўринда боряпти. Бу жамоа иккита ўйинда ғалабага эришиб, бир марта дуранг ўйнади ва тўртта беллашувда мағлуб бўлди. Тўплар нисбати 11-11.

- АГМК кетма-кет учта мағлубиятдан сўнг ўтган тур ғалабага эришди. Жамоа ўз майдонида "Сурхон"ни 2:0 ҳисобида мағлуб этди.

- Бугун АГМК сафарда тўртинчи ўйинини ўтказади. Жамоа бунгача бўлиб ўтган учта учрашувнинг ҳаммасида ютқазган.

- АГМК сафарда "Қизилқум", "Локомотив" ва "Насаф"га имкониятни бой берди.

- АГМК сафар ўйинларида атиги 2та гол уриб, ўз дарвозасидан 9 бор тўп олиб чиқди.

- АГМК сафарда бирорта ҳам очко қўлга киритмаган иккита жамоадан бири бўлиб турибди. Яна бири "Сўғдиёна".

Охирги 5 ўйин

2017 йил. "Динамо" - АГМК 1:0

2015 йил. "Динамо" - АГМК 1:1

2014 йил. "Динамо" - АГМК 2:1

2013 йил. "Динамо" - АГМК 0:0

2012 йил. "Динамо" - АГМК 0:1

Самарқандда бўлиб ўтган охирги бешта ўйиннинг иккитасида "Динамо" зафар қучган. Яна иккита ўйинда дуранг қайд этилган ва бир марта олмалиқликлар уч очко билан қайтишган.

Суперлига. "Динамо" - АГМК ўйинига оид маълумотлар