ОКМК – "Сўғдиёна" 3:2

Бош ҳакам: Ғайрат Жўраев

Ёрдамчи ҳакамлар: Александр Сидоров, Тимур Гайнуллин

Захира ҳаками: Музаффар Ёқубов

Назоратчи: Бахтиёр Тагаев

ВАР: Илгиз Танташев

АВАР: Руслан Серазитдинов

Комиссар: Ойбек Давлетмуродов

Голлар: 0:1 – 47, Люпчо Дориев (Отабек Аҳадов), 1:1 – 52, Али Абдураҳмонов (Асадбек Собиржонов), 1:2 – 57, Люпчо Дориев (Эҳсони Паншанбе), 2:2 – 74, Хуршид Ғиёсов (Дилшодбек Аҳмадалиев), 3:2 – 83, Хуршид Ғиёсов (Азиз Холмуродов)

ОКМК: 35.Жавоҳир Илёсов, 3.Сардор Раҳмонов (8.Азиз Холмуродов, 63), 5.Гиорги Папава (9.Рубен Санчес, 76), 6.Авазбек Ўлмасалиев, 7.Дилшодбек Аҳмадалиев, 15.Ойбек Рустамов, 19.Аҳмадулло Муқумжонов (21.Саидавзалхон Аҳроров, 46), 20.Ислом Тўхтахўжаев, 23. Ажак Рияк (27.Али Абдураҳмонов, 46), 77.Нодирбек Абдураззоқов, 99.Асадбек Собиржонов (10.Хуршид Ғиёсов, 60)

Захира: 4.Миржамол Қосимов, 13.Элдорбек Бегимов, 25.Дилшод Ёқубов, 28.Арихиро Сентоку

"Сўғдиёна": 21.Муҳаммадюсуф Собиров, 2.Зоир Жўрабоев (42.Сардорбек Эркинов, 87), 3.Исломжон Қобилов, 4.Отабек Аҳадов, 7.Хондамир Мустафоқулов, 8.Суҳроб Иззатов (23.Сардорбек Ҳошимов, 87), 9.Самандаржон Мавлонқулов, 14.Люпчо Дориев, 17.Эҳсони Паншанбе (6.Самандар Синдаров, 78), 19.Жавоҳир Қаҳрамонов, 34.Дилшодбек Мисралиев (32.Нодиржон Сойибов, 63)

Захира: 1.Шоҳруҳ Исоқов, 5.Беҳруз Жуматов, 20.Фазлиддин Омонкелдиев, 28.Станислав Андреев, 99.Умидбек Султонов

Огоҳлантиришлар: Аҳмадулло Муқумжонов (38), Сардорбек Эркинов (90+4)

Четлатиш: Эҳсоне Пайшанбе (90+1)

МАТНЛИ ТРАНСЛЯЦИЯ

ЯНГИЛАШ

Ўйин якунланди.

90+4. Сардорбек Эркинов қўпол ўйин учун сариқ карточка билан жазоланди.

90+1. Захирадаги Эҳсоне Пайшанбе ҳакамга эътироз билдиргани учун майдондан четлатилди.

90. Иккинчи бўлимга 6 дақиқа қўшиб берилди.

87. "Сўғдиёна" таркибида икки ўзгариш амалга оширилди.

83. ГОЛ! Ғиёсов рақиб жарима майдонида ўз маҳоратини намойиш этиб, икки рақибини доғда қолдирди ва ўткир бурчакда турганига қарамай, "Сўғдиёна" дарвозасини аниқ нишонга олди!

80. ОКМК футболчисининг жарима майдони ичидан йўллаган зарбасини Собиров қийинчилик билан қайтарди.

79. Дориевнинг чап қанотдан йўллаган зарбасига аниқлик етишмади.

78. "Сўғдиёна" таркибида ўзгариш амалга оширилди.

74. ГОЛ! Хуршид Ғиёсов ўнг қанотдан узатилган тўпни бош билан "Сўғдиёна" дарвозасига тўғрилаб қўйди ва ҳисобни тенглаштирди!

71. "Сўғдиёна" жарима майдонида тўп учун курашда икки жамоа футболчилари тўқнашиб кетди.

67. Рустамов томонидан йўлланган зарбага бироз аниқлик етишмади.

63. Икки жамоа таркибида биттадан ўзгариш амалга оширилди.

61. Мисралиевга тиббий ёрдам кўрсатилмоқда.

57. ГОЛ! Дориев рақиб жарима майдони яқинида тўпни қабул қилиб олиб, ОКМК дарвозасининг пастки узоқ бурчагини аниқ нишонга олди ва дублга эришди!

53. Зарба! "Сўғдиёна" футболчиси томонидан йўлланган зарба дарвоза тўсинига тегиб қайтди.

52. ГОЛ! Бурчакдан узатилган тўпни Абдураҳмонов "Сўғдиёна" дарвозасига жойлаб қўйди!

47. ГОЛ! Чап қанотдан тўп қабул қилган Дориев узоқ масофадан ОКМК дарвозасини аниқ нишонга олди! 46. Иккинчи бўлим бошланди. Тайм аввалида ОКМК икки ўзгаришга қўл урди.

Тайм якунланди.

45. Биринчи бўлимга 1 дақиқа қўшиб берилди.

43. Зарба! Собиржоновнинг ўнг қанотдан узатмасига Абдураззоқов бош билан зарба йўллади. Собиров тўпни эгаллаб олди.

38. Муқумжонов Қаҳрамоновни қоидабузарлик билан тўхтатгани учун огоҳлантирилди.

37. Зарба! Бурчак узатмаси зарба билан якунланди. Илёсовдан сейв!

36. Дориевнинг узатмасини ушлаб олишга уринган Илёсов тўпни эгаллай олмади. Бурчак зарбаси.

35. Ўзидан қочиб кетаётган Мавлонқуловни йиқитган Тўхтахўжаев жазосиз қолди. Меҳмонларда стандарт вазият юзага келди.

32. "Сўғдиёна"нинг чап қанотдан бошлаган ҳужуми Дориевнинг ноаниқ зарбаси билан якунланди.

31. ОКМКнинг навбатдаги ҳужумидан сўнг тўп Абдураззоқовдан майдонни тарк этди.

29. Абдураззоқов томонидан йўлланган зарба "Сўғдиёна" ҳимоячисига тегиб, майдонни тарк этди.

27. Хавфли вазият! Меҳмонларнинг қарши ҳужуми Мавлонқуловнинг яқин масофадан йўлланган ноаниқ зарбаси билан якунланди.

24. Рустамовнинг олисдан йўллаган зарбаси дарвоза тўсини юқорисидан ўтиб кетди.

19. Дориев яна ўйиндан ташқари ҳолатда қолиб кетди.

15. Рақиб ҳужумчиси билан бирга-бир вазиятда тўқнашиб кетган Илёсов енгил шикастланди.

14. Зарба! Абдураззоқов томонидан бошланган ҳужум Папаванинг зарбаси билан якунланди, бироз ноаниқ.

13. Дориев томонидан йўлланган зарбани Илёсов эгаллаб олди.

13. Хавфли вазият! Аҳамадалиевнинг ўнг қанотдан узатмасини Муқумжонов тўхтатмасдан дарвозага тўғрилаб қўймоқчи бўлди, аммо тўпга оёғи етмай қолди.

11. Хавфли вазият! "Сўғдиёна"нинг қарши ҳужуми Дориевнинг зарбаси билан якунланди. Аммо у офсайдда қолиб кетган экан.

10. Хавфли вазият! Собиржоновнинг бурчак узатмаси зарба билан якунланди. Собиров дастлаб тўпни қўлидан чиқариб юборди, иккинчи уринишда тўпни ушлаб олди.

9. Абдураззоқовнинг узатмасини меҳмонлар футболчиси майдон ташқарисига чиқариб юборди.

8. Мезбонлар стандарт вазиятга эга бўлди. Рустамовга нисбатан фол ишлатилди. Стандарт вазият.

7. ОКМКнинг ўнг қанотдан ташкил этган ҳужуми бесамар якунланди.

1. Ўйин бошланди.

Жамоалар майдонга чиқиб келишди. ОКМК оқ-кулранг, "Сўғдиёна" оч пушти-қора рангли либосларда ҳаракат қилади.

Суперлига. ОКМК ўз майдонида камбэк эвазига "Сўғдиёна"ни мағлуб этди