Аввалроқ тур рамзий терма жамоасини эълон қилган эдик. Энди эса кетма-кетликда тур лауреатларини бериб бораяпмиз.

Видео «Тезкор студия»: Кун ўйинлари таҳлили, тур сенсацияси ҳамда ўзбек футболидаги муаммоли тенденция ҳақида Беғамов ва Кошелев фикрлари

Ортда қолган 4-турнинг энг чиройли голи деб "Металлург" аъзоси Шаҳзод Убайдуллаевнинг қайчи услубидаги зарбасини топдик. Бекободликлар Тошкентда "Локомотив" меҳмони бўлишди ва кутилмаганда сафардан йирик ғалаба билан қайтишди. Убайдуллаев ўйинни захира ўриндиғида бошлади ва 57-дақиқада Зоҳид Абдуллаевнинг ўрнига майдонга тушди. Орадан 9 дақиқа ўтиб шедевр муаллифига айланди. Дониёр Нарзуллаевнинг ўнг қанотдан узатган тўпини Шаҳзод қайси услубида Игнатий Нестеров дарвозасига жойлаб қўйди.

Шу тариқа, Шаҳзод Убайдуллаев 4-турнинг энг чиройли голи муаллифи деб топилди. Эслатиб ўтамиз, у ортда қолган 4 турнинг барчасида майдонга тушган ва битта гол уриб, битта голли пас берган.

P.S. Убайдуллаев учун қайчи услубида гол уриш бегона эмас. Ёдингизда бўлса у ўтган мавсум "Андижон" таркибида "Динамо"га қарши баҳсда ҳам шундай услубда гол урганди.

Суперлига. Тур дарвозабони - Александр Лобанов

Суперлига. Тур голи - Шаҳзод Убайдуллаев