Бугун Суперлига ва Про лига матбуот хизмати ходимлари учун семинар бўлиб ўтди. Унда бир қатор масалалар, жумладан, матбуот хизматларига бўлган эътибор ва клубларнинг ОАВ учун яратиши зарур бўлган шарт-шароитлар хусусида тўхталиб ўтилди.

Маълум қилинишича, энди сафар ўйинига матбуот хизмати вакилини олиб бормаган клуб жарима тўлайди. Шунингдек, Термиздаги реконструкция қилинаётган стадионда медиа учун қилиниши лозим бўлган ишлар ҳақида гапирилди.

"Термизда реконструкция қилинаётган стадионда медиа трибунага эътибор пастроқ бўлганди. Аммо ОАВга шароит яхшироқ бўлиши керак дейилганидан кейин 24 киши учун яхши медиа трибуна қуриладиган бўлди", – деди ПФЛ вакили Зоҳиржон Акрамхонов.

Суперлига янги мавсумида сафар ўйинига матбуот хизмати вакилини олиб кетмаган клуб жаримага тортилади