Championat.Asia сайтининг ҳакамлик бўйича эксперти, россиялик собиқ ҳакам Анатолий Синяев ("Алё, рэф!" Телеграм канали) ўз ҳакамлар жамоаси билан бирга Суперлиганинг 26-тур учрашувларидаги баҳсли вазиятларни таҳлил қилди.

✅ "Хоразм" - "Пахтакор"

Ҳакам дастлаб фақат "Пахтакор" ўйинчисини майдондан четлатди, аммо видеотакрорни кўргач, тўғри қарор қабул қилиб, "Хоразм" ўйинчисига ҳам қизил карточка кўрсатди. Аслида айнан у тўпга ўйнашга уринмай ва имконияти бўлмай туриб, рақибининг юз қисмига қўли билан зарба беришга ҳаракат қилган эди. Тўғри қарор – ҳар иккала ўйинчини майдондан четлатиш.

ВИДЕОЛАВҲА

✅ "Бухоро" - "Сўғдиёна"

"Бухоро" жамоасининг 10-рақамли ўйинчиси тўпга диққатини қаратган ҳолда ҳаракатланди, шундан сўнг тўп унинг қўлига тегди, бу ҳолат ўйин қоидаларига кўра жазога тортилмайдиган ҳаракат ҳисобланади. Бироқ агар ўйинчининг ўзи гол урган бўлса, ҳатто жазога тортилмайдиган қўл теккандан кейин ҳам гол бекор қилиниши керак эди. Аммо ушбу ҳолатда у тўпни шеригига узатди, шу сабабли гол тўғри ҳисобланди.

ВИДЕОЛАВҲА

❓ "Бухоро" - "Сўғдиёна"

"Сўғдиёна" ўйинчиси рақиб жарима майдонида йиқилди. Мавжуд ракурслардан қоидабузарлик бўлган-бўлмаганини аниқлаб бўлмайди. Агар ҳакамнинг хато қилганини исботловчи далил бўлмаса, гол тўғри ҳисобланади.

ВИДЕОЛАВҲА

✅ "Қўқон-1912" - "Навбаҳор"

Фикримизча, ҳакам "Навбаҳор" ўйинчисини рақибни яққол гол уриш имкониятидан маҳрум қилгани учун майдондан четлатиб, тўғри йўл тутди. Ҳужум йўналиши марказдан, очиқ майдон мавжуд, иккинчи ҳимоячи эса анча узоқда жойлашган. Барча мезонлар қизил карточка кўрсатишни талаб қилади.

ВИДЕОЛАВҲА

❌✅ "Бунёдкор" - "Машъал"

"Машъал" жамоаси ўйинчиси тўпни ўйнашга уринмасдан, рақиб танасига қараб югуриб, қоидаларни қўпол равишда бузади. Бунга жавобан, "Бунёдкор" жамоаси ўйинчиси рақибга жавоб қайтарди. Тўғри қарор: қўпол ўйин учун "Машъал" ўйинчисига сариқ карточка, тажовузкор хатти-ҳаракат учун "Бунёдкор" ўйинчисига қизил карточка кўрсатилиши керак эди.

P.S. Ҳакам "Машъал" ўйинчисига сариқ карточка кўрсатмади.

ВИДЕОЛАВҲА

✅ "Сурхон" - "Андижон"

"Андижон" жамоаси ўйинчиси қасддан рақибининг юзига ҳаддан ташқари куч билан зарба берди. Ўйин давомида ҳакам тафсилотларни аниқ кўра олмади, лекин ВАР тўғри аралашиб, ҳакамни видеотакрорни кўриб чиқишга таклиф қилди. Тўғри қарор – тажовузкор хатти-ҳаракат учун қизил карточка.

ВИДЕОЛАВҲА

✅ "Сурхон" - "Андижон"

"Сурхон" жамоаси ўйинчиси дарвозага зарба беришга уринган пайтда рақиб билан тўқнашув юз берди. "Андижон" футболчиси ортиқча ҳаракат қилмади, оёққа зарба бермади ёки чалиб йиқитмади. Бизнингча, ҳакам вазиятни тўғри баҳолаб, ўйинни давом эттиришга қарор қилди.

ВИДЕОЛАВҲА

Шу тариқа, Суперлиганинг 26-тур учрашувларида ҳакамлар фақат битта хатога йўл қўйди.

Суперлиганинг 26-тур ўйинларида ҳакамлик хатолари кузатилдими?