44-бор ташкил этиладиган турнир учрашувлари “Ражамангала” стадионида ўтказилади. Мусобақада БАА, Иордания ва Таиланд терма жамоалари ҳам қатнашишади. Ярим финалда Сурия Таиланд терма жамоаси билан 3 июнь куни ўйнайди. Кейин эса ярим финал ғолиблари финал, мағлублар 3-ўрин учун беллашувда майдонга тушадилар. 31 май куни эса Сурияни Ханойда Вьетнам терма жамоасига қарши кечадиган ўртоқлик баҳси кутиб турибди.

Терма жамоани вақтинчалик Айман Ҳаким бошқариб турадиган бўлди. У аввал ҳам Сурияни шундай шарт асосида бошқарганди.

Сурияга оид яна бир жиҳатни келтириб ўтсак. Жидданинг “Ал Аҳли” клубида ўйнаётган ҳужумчи Умар Ал Сомани айни пайтда қитъамиздаги кўплаб ишқибозлар яхши танишади. Чунки у Саудия Арабистони чемпионатида 43 учрашувда жамоаси учун 48 тўп киритишга улгурди. Охирги икки мавсумда “Аҳли”нинг янги савияга чиқишига Умар голлари билан катта ёрдам берди. Лекин Сома терма жамоаси учун ўйнамайди. 2012 йил унинг сиёсий қарашлари билан боғлиқ юзага келган вазият сабабли футболчи сўнгги 4 йилда мамлакат термаси учун майдонга тушмаган. Қизиқ тарафи шундаки, Япония билан ўтган раундда кечган охирги тур арафасида яна 4 нафар футболчи терма жамоадан четлатилганди. Ҳал қилувчи босқич арафасида ўша ўйинчилар сафга қайтиши мумкин, агар янги мураббий уларни таклиф этса. Умар Сома эса яқин орада терма жамоада ўйнамаса керак. Саудия Арабистони чемпионатида энг кўп голли тўп оширишларни уддалаган Жеҳад Ҳуссайни ҳам суриялик. “Ал Таавон” ярим ҳимоячиси 9 бор шундай ишни бажарди. У терма жамоада ўйнашни 2011 йил якунлаган.

Икки гуруҳга бўлинган ҳолда ўтказилган Сурия чемпионати якунланди. Энди юқори 3 поғонани эгаллаган жамоалар ҳал қилувчи учрашувларда майдонга тушишади. Эслатиб ўтамиз, нотинчлик сабабли чемпионат беллашувлари Дамашқ ва Латтакиа шаҳарларида бўлиб ўтмоқда.

Сурия Қирол кубогида қатнашади