Учрашув кўчирилишига қуйидагилар сабаб бўлди:

- "Навбаҳор" жамоаси Термизда меҳмонхона билан боғлиқ муаммога дуч келмоқда. Термиздаги кўплаб меҳмонхоналар карантин сабабли вақтинчалик ёпилганлиги;

- 2020 йил 10 июлдан 2020 йил 1 августга қадар автотранспорт воситаларининг ҳаракати чекланганлиги;

- "Сурхон" жамоаси уй учрашувларини ўтказадиган "Сурхон" спорт мажмуаси ўйингоҳида ёритиш тизими билан боғлиқ муаммо борлиги;

- Учрашувга ташриф буюрувчи расмийлар (ҳакамлар, инспектор, комиссар)нинг йўл билан боғлиқ муаммолари ва яна бир қатор сабаблар туфайли ушбу баҳс Тошкентга кўчирилди.

Сиз азиз футбол муҳлисларимиздан эса вазиятга тўғри баҳо бериб, бугунги шундай оғир пандемия пайтида футболчи ва мураббийларни тушунишларингизни сўраймиз. Ҳар қандай вазиятда ҳам инсон саломатлиги биринчи ўринда эканлигини унутмаслигимиз лозим. Биз ишонамизки, бу оғир кунлар ортда қолиб, ҳали "Сурхон" жамоаси ўз суюклиларини ҳурсанд қилишига ишончимиз комил. "Сурхон" жамоаси ўз муҳлсиларини доимо қадрлайди!

Ахир, муҳтарам юртбошимиз Шавкат Мирзиёев: Бундай хатарли офатга асло бепарво ва енгил қараб бўлмайди" деган сўзлари фикримизнинг яққол далилидир.

Уйда қолинг, ўзингизни эҳтиёт қилинг!

"Сурхон" ФК: "Навбаҳор" учрашуви Тошкентга кўчирилди. Сабаблардан бири стадиондаги ёритиш тизими билан боғлиқ муаммо