Имрон Улад Омар Ўзбекистонга келаётгани рост, лекин Чемпионлар Лигасида ўйнайдиган грандларга эмас. Уни янги мавсумда "Сурхон" таркибида кўрамиз. Омар тез орада Термиз клубида иш бошлайдиган Шаҳбоз Беғамовнинг биринчи топилмаси ҳисобланади (у селекция масаласида Ҳамиджон Актамовга ёрдамлашяпти).

Имрон Улад Омар 1997 йил Амстредамда марокашлик муҳожир оиласида туғилган. Фаолияти давомида нидерланд, словак, румин, рус ва грузин жамоаларида тўп тепган. Якунига етган мавсумнинг 2-даврасини "Динамо" (Тбилиси) таркибида ўтказган ярим ҳимоячи 16 ўйинда 8 гол, 3та голли узатмани амалга оширгани ҳолда Грузия чемпионатининг энг яхши футболчиси сифатида эътироф қилинди.

Маълумот учун, Омар 2021 йилнинг январида АГМК таркибига ўтишига бир баҳя қолган эди. Олмалиқ клуби раҳбарияти ёзда ҳам ушбу футболчини ўз сафига қўшиб олиш учун ҳаракат қилиб кўрди. Аммо ҳаракатлар бесамар якунланди...

Эшитдик-да! "Сурхон"га нидерландиялик футболчи келяпти