- Дастлаб Сингапурга қарши ўйин ҳақида фикр билдирсангиз.

- Ўзбекистон терма жамоаси Сингапур ва Яман каби жамоаларни қийинчиликсиз ютиши керак. Лекин бугун бироз қийин бўлди, чунки Сингапур яхши ўйин намойиш этди. Бундан ташқари бу ерда намлик даражаси жуда юқори экан.

- Сингапур "Миллий стадиони"даги атмосфера ҳақида нима дея оласиз?

- Рақибимизнинг стадиони чиройли экан. Мухлислари ҳам ўзига хос. Сингапурлик ишқибозлар худди европаликлар каби қўшиқлар билан ўз терма жамоасини қўллаб турди. Лекин барибир бизнинг мухлисларга етмайди.

- Ўзбекистон терма жамоаси гол ўтказиб юборган вазиятда нима бўлди?

- Биринчи бўлимнинг сўнгги сониялари ўтаётганди. Ҳаммамиз биринчи бўлим тугади деб ўйлаб, бироз эҳтиёткорликни йўқотдик. Шуни натижасида гол қўйиб юбордик. Аввалига тўпга чиқмоқчи эдим, бироқ тўпга ета олишим аниқ бўлмагани туфайли дарвозада қолдим. Дарвозанинг нариги бурчаги томон ҳаракат қила бошладим, чунки рақиб қайси бурчакка зарба беришини билмайсиз. Гол урган футболчи ҳаракатим йўналишига қарши зарба берди, бор кучим билан сакрадим, бироқ тўпга бироз қўлим етмай қолди.

Суюнов: "Ўзбекистон Сингапур ва Яман каби жамоаларни қийинчиликсиз ютиши керак"