"Йигитлар ўйинни яхши бошлашди, ўйинни назорат қилдик. Об-ҳаво анча иссиқ эди, рақибнинг ўйини чиқмади. Гол уриб ҳисобда олдинга чиқиб олдик. Афсуски танаффусдан сўнг икки нафар ёш футболчимизнинг хатолари туфайли иккита гол ўтказиб юбордик. "Машъал"ни ғалаба билан табриклайман", - дейди Агамуродов.

"Динамо"нинг мақсади олий лигада қолиш. Умид қиламанки ўз майдонимиздаги ўйинларда керакли очколарни қўлга киритамиз. Агар шундай бўлса имкон қадар юқорироқ ўринларга ҳаракат қиламиз".

"Сирожиддин Сайфиев яхши ўйнади, бироқ оғриқ сезиб ўзини алмаштиришларини сўради. Шу боис Саноқуловни тушурдим. Афсуски айнан у ёшлик қилиб пенальти ишлади".

"Жамоани қабул қилиб олганимда тажрибали ва қобилиятли футболчилардан иборат эди. Бироқ руҳий ҳолат оғир эди, бир қатор омадсиз ўйинлардан сўнг йигитларда қийинчилик бор эди. Ушбу "руҳий ўра"дан чиқиб кета олдик".

"Ўзбекистонда футбол бир жойда тураётгани йўқ. Яхши жамоалар кўпаймоқда, масалан "Машъал"ни олайлик. Биринчи лигадан чиқиб юқори ўринлар учун курашмоқда. Шундай жамоалар кўпайса чемпионат ривожланиб бораверади".

Тачмурад Агамуродов: "Динамо"нинг мақсади олий лигада қолиш"