"Ювентус" ва "Интер" жамоалари "Лион" хавбеки Танги Ндомбелени сотиб олиш учун кечаётган курашда фаворит ҳисобланади, деб хабар берди "Le10Sport" нашри. Аввалроқ "Реал", "Барселона", "Тоттенхэм" ва "Манчестер Сити" футболчига қизиқиш билдирганди. "Шаҳарликлар" ўтган йил охирида аниқ таклиф билан чиқишди. Аммо Франция клуби 51,1 миллион еврога рози бўлмади.

22 ёшли Ндомбеле 2018 йил ёзда "Амьен"дан 8 миллион евро эвазига "Лион"га ўтганди. Ундан бир йил олдин "олимпиячилар" ярим ҳимоячини ижарага олган. Жорий мавсумда футболчи 31 учрашувда иштирок этиб, 2та гол урди ва 5та голли узатма беришга муваффақ бўлди.

Танги Ндомбеле учун курашда "Ювентус" ва "Интер" фаворит ҳисобланади