"Металлург"нинг ҳозирги ҳолатига ҳавас қилиб бўлмайди. Жамоа сўнгги 9 ўйиннинг фақат 1 тасида ғалаба қозонди, 27 очколик имокниятдан 3 олди. Навбатдаги муваффақиятсизлик Жасур Абдураимов шогирдларини аутсайдерлар зонасига тушириб юбориши мумкин.

Аммо бугунги баҳсни Бекобод жамоаси учун омадли ҳакам бошқаришини ҳам унутмаслик керак. Гап Илгиз Танташев ҳақида боряпти.

Чунки "Металлург" бухоролик ҳакам бошқарган баҳсларда 2016 йилдан бери мағлуб бўлмай келмоқда. 5 ўйин: 2 дуранг, 3 ғалаба.

Эътиборли жиҳати, "Металлург"нинг Танташев ишлаган баҳслардаги сўнгги мағлубияти айнан бугунги рақибга қарши қайд этилган.

Олий Лига-2016. 29-тур
"Локомотив" 4:1 "Металлург"
Голлар: Олег Зотеев, Садриддин Абдуллаев, Марат Бикмаев, Темурхўжа Абдухолиқов — Зоҳид Абдуллаев

Илгиз жуда ҳам қаттиққўл ҳакамлар тоифасига киради. У жорий мавсум карточкаларга деярли барча ҳамкасбларига нисбатан кўпроқ мурожаат қилган: 62 сариқ, 2 қизил.

У ўзи ишлаган 12 ўйинда 9 бор 11 метрлик жарима зарбасига ишора қилган. Лекин 37 ёшли рефери белгилаган пенальтиларнинг ҳаммаси ҳам голга айланавермайди. Масалан, жорий йилда 9 пенальтидан 4 таси муваффақиятсиз амалга оширилган.

Шунингдек, Танташев ички майдонда фақат Суперлига ўйинларини бошқараётганини ҳам алоҳида таъкидлаш керак.

"Қўқон-1912" билан ўйинни "Пахтакор" учун омадли ҳакам бошқаради

"Металлург" Танташев бошқарган ўйинларда ютқазмаяпти. Бугун-чи?