2004 йил Хитойдаги Осиё кубоги терма жамоамиз тарихидаги энг аҳамиятли турнир сифатида тилга олинади. Аввалги иккита Осиё кубогида ўз иштирокини гуруҳ босқичидаёқ якунлаган бўлса, чин юртидаги мусобақада эса илк бор гуруҳдан чиқиш масаласини ижобий ҳал қилгандик. Биринчи турда Миржалол Қосимовнинг жарима зарбасидан урган ягона голи эвазига мағлуб этган вакилларимиз иккинчи турда жуда кучли бўлган Саудия Арабистони билан тўқнаш келишади. Билсангиз, бундан олдинги яъни Ливанда бўлиб ўтган қитъа кубогида ҳам улар билан йўлларимиз кесишган, ўшанда бўш ҳаракат қилган терма жамоамиз 0:5 ҳисобида енгилишганди. Бир хатони иккинчи маротаба такрорламаслик учун Равшан Ҳайдаров ўз шогирдларини муносиб тайёрлаганди. Футболимиз ҳам янги даражага кўтарилаётган, терма жамоамизда хорижлик мутахассисларнинг ҳавоси кезиб юрарди.

Таъкидлаш жоизки Осиё кубогида бош мураббий Равшан Ҳайдаровга германиялик Юрген Гёде ҳамроҳлик қилганди. Саудияликларга қарши тўғри услуб танлаган ва тартибли ўйинни танлаган терма жамоамиз Александр Гейнрихнинг ягона голи эвазига 1:0 ҳисобида ғалабани тантана қилади. Сашанинг голи эса ҳамюртларимизга муддатидан олдин кейинги босқчи йўлланмасини тақдим қилади.

Осиё кубоги-2004

Ўзбекистон 1-0 Саудия Арабистони

Гол: Александр Гейнрих, 11.

Ўзбекистон: Е. Сафоов, М. Қосимов (И. Иномов, 64), А. Фёдоров, А. Алиқулов, Н. Ширшов, С. Жепаров, Т. Кападзе, А. Акопянц, А. Гейнрих (М. Бикмаев, 78), А. Солиев (И. Зейтуллаев, 60), В. Шишелов

Захира: А. Поляков, Л. Кошелев, И. Нестеров, Ш. Раимқулов, З. Холмуродов, И. Магдеев

Бош мураббий: Равшан Ҳайдаров.

Тарихда шу кун. Ўзбекистон - Саудия Арабистони (1:0)