Мамлакатимиздаги кўплаб мухлислар эса қалбининг бир чекасидаги ғам билан ушбу маросимни томоша қилишди. Бу ғамга сабаб Ўзбекистон терма жамоаси жаҳон чемпионатига чиқа олмаганидир. Биз уларни хафа бўлмасликка чақириб, мамлакатимиз терма жамоасининг мундиал қуръасида иштирок этишини тасаввур қилиб кўрамиз.

Агар Ўзбекистон терма жамоаси жаҳон чемпионатига йўл олганда, қуръа жараёнида тўртинчи саватчадан ўрин олган бўлардик. Чунки ФИФА рейтингида паст ўринларни эгаллаган жамоалар ушбу саватчадан жой олишади. Айни дамда терма жамоамиз 80-ўринда ва улар мундиал иштирокчилар орасидаги энг паст ўриндаги жамоа бўлишарди. Ҳақиқий қуръада эса энг паст рейтингли жамоа Саудия Арабистони бўлди. Демак Ўзбекистон Саудия Арабистони ўрнига Россия, Миср ва Уругвайлар билан бир гуруҳдан жой оларди.

Тасаввур қилишда давом этамиз. Жаҳон чемпионатидаги илк ўйин Россия ҳамда Ўзбекистон терма жамоалари ўртасида бўлиб ўтарди ва... Илк ўйинда стадион россиялик ва ўзбекистонлик мухлисларга тўган бўларди. Қолган воқеаларни сиз тасаввур қилинг ва изоҳларда ёзиб қолдиринг.

Тасаввур қилинг: Ўзбекистон жаҳон чемпионатига чиққанида, қайси гуруҳда бўларди (+ФОТО)