Фьюри “қизил иблислар”нинг ашаддий мухлиси ҳисобланади.

“Яхши хабар шуки, Роналду қолади, аммо бошқа масала бор: ўтган йил у бу ерда бўлмаганида “Манчестер Юнайтед” АПЛда 2-ўринни эгаллади, кейин эса Роналду қайтди ҳамда чемпионатни олтинчи бўлиб якунладик.
Кўпчилик: “Агар у 20 та гол урмаганида, якунланган мавсумни бундан ёмонроқ тугатардик”, дейишмоқда, лекин ундан олдинги мавсумда бундай бўлмаганди ва биз анча юқори натижа кўрсатгандик. Агар сизда Роналду каби супер юлдуз бўлса, барча унинг голларига урғу беради, агар у бўлмаганда, футболчиларнинг ўзлари гол уришган бўларди. Роналду туфайли пасайиш бўлди деб айтмоқчимасман, у қойилмақом ўйинчи, аммо ёш иқтидорлар юлдуз футболчининг соясида қолиб кетмоқда, уларда ўзини кўрсатиш учун имкон бўлмаяпти, чунки “буюк Роналду” майдонда ҳаракат қилмоқда”, дейди Фьюри.

Тайсон Фьюри: “Роналдусиз иккинчи бўлгандик, у билан эса АПЛни 6-ўринда тугатдик”