Аввалроқ, "Реал" мураббийи ҳакамлик билан боғлиқ воқеалар фонида Хавьер Тебасни "жуда кўп гапириш"да айблаганди. Хавьер Тебас эса Карло Анчелоттига жавоб қайтарди.

"Карло, ташкилотларнинг позициясини уларнинг раҳбарлари айтган сўз ёки қилган ишлари акс эттиради. "Реал" нолийверадиган клубга айланди деганда, мен айнан шуни назарда тутгандим. Уларнинг раҳбарияти ўзидан қурбон ясаб олиб, хар ҳил фитна назарияларини тарқатмоқда: "мусобақа соҳталаштирилган" , "барча ҳакамлар "Реал"га қарши" ва ҳаказо. Ғалати, тўғрими?
Бундай мантиқ нафақат турнирга, балки сизни майдонда мағлуб қилган рақибга ҳурматсизлик ҳисобланади. Балки улар ростдан ҳам сиздан яхшироқ ўйнашгандир? "Реал Мадрид" айтаётган сўзлар миллионлаб мухлисларни ҳақорат қилиш саналади.
Мен ёшлигимдан мадридизм билан нафас олганман. Ҳозирги "Реал" раҳбарияти олиб бораётган сиёсат биз ёшликда ўрганган қадриятларга мутлақо зид.
Карло, афсуски, катта тажрибангни ҳисобга олган ҳолда сендан файдаланишяпти.
"Реал"га алоқадорликни сотиб олиб бўлмайди. Бу ички ҳис. Баъзилар каби бу ҳисни тарқатиш ёки совға қилиб юборишни иложи йўқ", -деб ёзади Хавьер Тебас.

Тебас: "Реал" раҳбарияти ўзидан қурбон ясаб олиб, хар ҳил фитна назарияларини тарқатмоқда"