Ушбу учрашув олдидан терма жамоамиз футболчиси Темурхўжа Абдухолиқов ўз фикрларини билдириб ўтди.

"Барча кўрди, Хитойга қарши учрашувда бизга омад етишмади. Бунга ўзимиз айбдормиз, ҳеч қандай бахона қидириш шарт эмас. Ҳозир имкониятимиз бор. Бизни фақат ғалаба қониқтиради. Жанубий Кореяни мағлуб этсак мундиал йўлланмасини қўлга киритамиз. Ушбу учрашув финалга тенг эканлигини бирча тушуниб турипти. Балким айрим футболчилар учун сўнгги учрашув бўлиши мумкин.

Кореяга қарши жанговар ўйин бўлади, деб ўйлайман. Жанубий Корея терма жамоасини кучсиз деб айтмаган бўлардим. Чунки ҳар сафар бир хил бўлавермайди. Агарда жамоа футболчиларининг кайфияти аъло даражада бўлса дунёдаги энг кучли терма жамоани ҳам мағлуб этиб қўйиши мумкин. Шунинг учун Кореяга қарши учрашувдан олдин бир нарса деб бўламайди. Рақибларимизни заиф томонларини кўриб, ўрганиб чиқдик. Уларнинг камчиликлари жуда ҳам кўп. Ўшалардан унумли фойдаланишга ҳаракат қиламиз", - дейди Темурхўжа Абдухолиқов.

Жаҳонгир Сотволдиев ёзиб олди

Темурхўжа Абдухолиқов: "Кореяга қарши ўйин айрим футболчилар учун сўнггиси бўлиши мумкин"