- Ўйин ҳақида фикрингиз?
- Учрашув жамоамиз назорати остида кечди. Фақат ўз имкониятларимизни голга айлантира олмадик. "Яйпан" жамоаси вазиятлардан фойдаланиб ютиб кетди. Дарвозабонимиз хатосидан сўнг гол ўтказиб юбордик.
- Тезкор гол режаларингизни қай даражада ўзгартирди?
- Тезкор гол ҳар доим режани ўзгартиради. Бошида 15 дақиқа ҳимояни мустаҳкам ушлаб рақибга имкон бермасликни мақсад қилгандик. 20-дақиқадан кейин ўз ўйинимизни кўрсата бошладик. Охиригача назорат бизда қолди.
- Иккинчи бўлим ярмидан сўнг жамоангиз ўйнамай қўйди. Бу ҳақда нима дея оласиз?
- Аксинча, иккинчи бўлим ярмидан кейин бизда вазиятлар кўп бўлди. Ҳисоб 2:1 эди ва кўп марта ҳужумга ўтдик. Балки чизиқлар орасида узилиш бўлгандир, бу ҳам ҳужумга ўтганимиз учун шундай кўринган. Биз шундан сўнг учта вазият яратдик, фақат гол ура олмадик.
