Бундеслиганинг бугунги 26-тури доирасидаги ўйинлар якунлангач, яъни 23:30да кун ўйинлари таҳлилига бағишланган жонли эфирдаги дастур тақдим этилади.

"Тезкор студия"да бошловчи Камолиддин Алимов ҳамда Германия футболига ихтисослашган Шаҳбоз Беғамовга мазкур дастурда меҳмонларимиз, таниқли шарҳловчилар Хайрулла Ҳамидов ва Даврон Файзиев ҳамроҳлик қилишади.

Жонли эфир "Айнтрахт" - "Боруссия" Мёнхенгладбах учрашуви якунланганидан сўнг, аниқроғи соат 23:30да "Championat.asia" сайтининг "YouTube"даги саҳифасида бошланади.

Қизиқарли ўтиши кутилаётган мазкур дастурни жонли эфирда томоша қилиш ва ўз суюклиларига савол йўллашни истаган ишқибозлар "YouTube"да "Championat.asia" саҳифасига обуна бўлиши ва саҳифа олдидаги қўнғироқчани босиши талаб этилади. Бу орқали сизнинг телефон ёки планшет иловангизга жонли эфир бошланиши ҳақида хабар келади.

"Тезкор студия" Бундеслигани катта кўламда ёритишга жиддий эътибор қаратган. Шунингдек, эртанги кун ўйинларидан сўнг, яъни тунда яна бир жонли эфир тақдим қилинади. "Унион" - "Бавария" учрашувидан кейин "Тезкор студия"да Германиядан меҳмонлар, профессионал мутахассислар, экспертлар таклиф этилган ва улар билан "Тезкор студия"да тур ўйинлари ҳамда Бундеслига ҳақида батафсил сўз боради. "Тезкор студия" ўз ишининг усталари, мутахассисларга микрофон тутиб, ҳар бир воқеа ва ҳолатни профессионал таҳлил қилишга ва Сиз азиз ишқибозлар учун кутилган ва кутилмаган юлдузларни таклиф қилади.

"Тезкор студия" тунда Даврон Файзиев ва Хайрулла Ҳамидов иштирокида жонли эфир ташкил қилади