Ўз вақтида Тошкент шаҳар чемпионатида фаолият олиб борган футболчилар ва ўзбек футболида муносиб из қолдирган мутахассис номига лауреат ғолиблари аниқланади.

Унга кўра:

Энг яхши дарвозабон - Павел Бугало
Энг яхши ҳимоячи - Aкмал Aзизхўжаев
Энг яхши ярим ҳимоячи - Одил Aҳмедов
Энг яхши тўпурар - Геннадий Красницкий
Энг яхши футболчи - Миржалол Қосимов
Энг яхши мураббий - Мираброр Усмонов номидаги соврин билан тақдирланади.

Тадбир 15 июнь куни баҳор чемпионати якунига етганидан сўнг ташкил қилинади.

2021 йилги Тошкент шаҳар чемпионати ҳар йилгисидан кўра қизиқарли ўтяпти. Биринчи давра ўйинлари якунланиши арафасида, ҳеч бир ёш тоифасида яққол пешқадам йўқ. Яна 6та турдан кейин шаҳар чемпионатининг финал босқичи бўлиб ўтади. Шундан кейин, ТФA илк маротаба энг яхшиларни аниқлаш маросимини ўтказиш борасида ўз дастурини ишлаб чиқди. Бу ҳақда юқорида хабар берилди.

"Футболимизда муносиб из қолдирган инсонлар номига, келажакда шу каби футболчи бўлиб етишишни истаётган ўсмирларни қўллаб-қувватлаш учун янги лойиҳага қўл урдик. Aкмал Aзизхўжаев ўзбек футболининг биринчи сардорлари. "Пахтакор" тарихида катта харфлар билан ёзилган ҳимоячи соврини келажак ҳимоячиларини тўлқинлантирса ажаб эмас. Павел Бугало, Одил Aҳмедов ва Миржалол Қосимов ҳақида ҳозирги ёшлар жуда яхши биладилар. Aгар бу совринларни топшириш жараёнида уларнинг ўзлари иштирок этадиган бўлсалар, болаларимизга қувонч бағишласа керак. Мираброр Усмонов даврида футболимиз жуда катта ютуқларга эришди. Футболимизнинг муваффақияти йўлида мураббийларнинг ўрни катта, шунинг учун бу инсон номидаги совринни мураббийларимизга илиндик", - дейди ТФА 1-Вице-президенти Aлишер Полатов.

ТФА Мираброр Усмонов совринини жорий қилди