"Фаолиятимнинг якуни яқинлашмоқда. Бу осон эмас. Мен бор эътиборимни "Челси" билан шартномамнинг сўнгги йилидан завқ олишга қаратганман. Келгуси йил нима бўлишини билмайман, лекин фаолиятимдан жуда мамнунман", – деди Тиаго Силва.

Тиаго Силва ҳақиқатан ҳам фахрланадиган нарсага эга. 39 ёшли бразилиялик футболчи "Жувентуде", "Порту", "Динамо", "Флуминенсе", "Милан", ПСЖ ва "Челси" клубларида тўп тепган. Лондонликлар билан у 2021 йилда Чемпионлар Лигасида ғолиб чиққан. Шунингдек, 7 карра Франция чемпиони ва 2011 йилги Скудетто совриндори бўлган.

Тиаго Силва Бразилия терма жамоаси сафида 113 та ўйинда майдонга тушиб, 7 та гол урган. "Селеcао" билан 2013 йилги Конфедерациялар Кубоги ва 2019 йилги Америка Кубогини қўлга киритган.

Тиаго Силва фаолиятини якунлаш арафасида