Вальверденинг Моратага қарши қўполлиги ва қизил карточка ҳақида

"Мен Мората тўпни ўзидан қочириб юборди деб ўйлагандим, лекин Феде уни тақиб қилиб келаётганди. Ташқаридан қараганда уни ёмон кўриб кетишингиз мумкин, лекин у жамоаси учун фойда келтирадиган энг тўғри йўлни танлади. Рақиб мураббийи буни тан олгани сўзим исботи сифатида хизмат қилиши мумкин. У қоидани бузди ва шунга яраша жазоланди. Пенальтилар сериясида эса биз "Атлетико"га нисбатан ўз кучимизга кўпроқ ишондик ва ғалабага эришдик.

"Атлетико"дан бир умр миннатдорман. Клуб менга кўп нарса берди, аммо сиз ҳаётда олға интилишингиз зарур, бу футбол. "Реал"да эканлигимдан мамнунман ва бу ерда бахтлиман. Жамоа ғалабаларга эришиши ва янада кўпроқ мусобақаларда ғалаба қозониши учун қўлимдан келганини қиламан.

Пенальтилар серияси ҳақида

"Ҳа, мен бунга алоҳида тайёрланган эдим. Сауль мени ҳайрон қолдирди, лекин Парти қаерга тепишини деярли аниқ билардим. У жуда кучли зарба берди. Яна бир учрашувда гол ўтказмаганимдан хурсандман".

"Мен "Реал"га янада яхшироқ натижаларга эришиш, совринлар ютиш учун келганман. Қийин дамларда, одамлар мени ҳақорат қилганда, ким дўст ва ким душманлигини ўзим учун билиб олдим. Мен имкониятларимни яхши биламан", – деди Куртуа.

Тибо Куртуа: "Сауль мени ҳайрон қолдирди, лекин Парти пенальтини қандай тепишини аниқ билардим"