- Ўйин ҳақида
- Аввало, "Андижон II" жамоасини ғалаба билан муборакбод этаман. Ўйинимиз чиқмади, гол урилган ҳолатда хатога йўл қўйдик. Имкониятлар яратишга ҳаракат қилдик, бироқ жуда қийналдик. Умуман олганда, балки футболчиларимиз менсимасдан ҳаракат қилишди, шекилли. "Андижон II" ҳақли равишда ғалабага эришди.
- Нима учун айрим асосий футболчиларни майдонга туширмадингиз?
- Ўйинлар ва тақвимимиз зич. Терма жамоа йиғинини ўтказдик, кейин сафарларимиз кўп ва толиқиб қоляпмиз. Шу боис 6 нафар футболчимизни Тошкентда қолдирдик. Биз ҳар бир футболчига имконият тақдим қиламиз, чунки улар ўсиши керак. Ўйинлар орқали тажриба орттиришади. Тўғри, хатолар учраб туради. Аммо хатолар устида ишлаймиз, бу нормал ҳолат.
- "Олимпик" ҳимоячилари кўп хато қилишди...
- Ҳа, тўғри. Буни устида ишлаймиз. Бу руҳий ва жисмоний ҳолатга хос. Ҳар бир ўйинни таҳлил қилиб, хулоса чиқарамиз.
- Бугун бошқача "Олимпик"ни кўрдик. Кубок баҳсларига жиддий қаралмайдими?
- Йўқ, ҳаракат қилиб, тайёргарлик кўрдик. Мен ҳам кеча кечқурун келдим, Про лицензияга ўқиётганларнинг имтиҳони бўлганди. Нима бўлишидан қатъи назар, йигитлар бундан ҳам яхши ўйнай олишига ишонаман. Ҳозир бир нарса дейиш қийин. Ҳаммасига ойдинлик киритамиз.
- "Андижон II" аъзоларидан кимни ажратиб кўрсатган бўлардингиз?
- Жамоа узатмалар орқали ҳаракат қилди, қаердадир фоль ишлашга уринди, яхши имкониятларга эга бўлди. Олдингиз чизиқдаги ҳужумчи яхши ҳаракат қилди. Уларнинг услуби кўпроқ узатмалар орқали ташкил қилинди. Кимнидир ажратиб кўрсатиш қийин.
Изоҳлар