Championat.Asia мухбири Николай Егоричев Тимур Тоҳирович билан боғланиб, тафсилотлар билан қизиқди.

- Англияга малака оширишга бордингизми? Агар шундай бўлса, қайси клубга?

- Йўқ, бу амалиёт эмас. Мен шунчаки Англияга келдим. "Манчестер Сити" билан амалиёт ўташ бўйича келишиб олмоқчи бўлганимиздан бери менда виза бор эди. Ўшанда боришнинг иложи бўлмади, аммо виза қилинганди. Виза октябргача мўлжалланган, шунинг учун бу ерга учиб келишга қарор қилдим.

- Ҳозир Англияда нима қилиб юрибсиз?

- Ўйинларни томоша қиламан. Бугун "Вест Хэм" - "Кристал Пэлас"ни кўрдим, эртага "Арсенал" - "Манчестер Сити" ўйини бўлади. Шундан сўнг "Сити"нинг яна икки ўйинига - Кубок ("Хаддерсфилд"га қарши) ва АПЛдаги уй ўйинига ("Бёрнли"га қарши) боришни режалаштиряпман. Агар рухсат беришса, яна базани кўришни, "шаҳарликлар" машғулотларига боришни истардим. Бу ҳозирча "сўроқ остида" - уларнинг жадвали тиғиз. Ҳусанов билан учрашмоқчиман, суҳбатлашмоқчиман. Умуман олганда, Англияда бўлишнинг ўзи катта завқ. Бунгача бу ерда бўлмаганман, инглиз футболини жонли томоша қилиш қизиқ.

Тимур Кападзе - Англияда. Мутахассис у ерда нима қилмоқда?