Терма жамоамиз устози Туркия сафари ҳақида сайтимизга қисқа интервью берди.

«Туркияга икки кун аввал келдим. Айни вақтда юртимизнинг кўплаб жамоалари янги мавсумга Туркияда тайёргарлик кўрмоқда. Бу ерга ўйинларни кўриш, футболчиларнинг ҳолати ва мураббийлар билан гаплашгани келдим. Футболчиларни кузатишни мақсад қилганман.

Умуман барча ўйинларга бормоқдаман. Биринчи «Бухоро»ни ўйинини кузатдим. Кейин «Нефтчи», «Андижон», «Бунёдкор» жамоаларининг ўйинини бевосита стадиондан томоша қилдим. Бугун «Насаф», «Сўғдиёна» жамоалари баҳс олиб боради. Шу ўйинларга боришни мақсад қилганман. Ўйинларга бориб, футболчиларнинг ҳолатини ўрганмоқчиман. Туркияга футболчиларнинг ҳолатларини ўрганиш мақсадида келдим», — деб фикр билдирди терма жамоамиз устози.

Тимур Кападзе Туркияда. Терма жамоамиз устози нима учун Туркияга боргани ҳақида фикр билдирди