Финалда "Абдиш - Ата"га қарши майдонга чиққан ўшликлар 36-дақиқада Инкум томонидан урилга ягона гол эвазига ғалаба қозонди ва бош совринга эга чиқди. Ушбу учрашувда "Алай" таркибида ҳамюртимиз Тимур Талипов фаол ҳаракат қилди ва жамоасининг муваффақиятига ҳисса қўшди. Финал ўйинидан сўнг Тимур Талипов сайтимизга ўзининг фикрларини билдириб ўтди.

"Ички чемпионатда натижамиз яхши бўлмагани сабабли кубок баҳсига жиддий тайёргарлик кўрган эдик. Жамоадаги кўп футболчилар пандемия сабаб яхши ҳолатда эмасди. Лекин, кубокда ғолиб чиқиб ўз мақсадимизга эришдик. Барча жамоалар кубокни олишга муносиб ўйин кўрсатди. Омад биз томонда бўлди. Жамоамиз 2013 йилдан Қирғизистон кубогида ғолиб чиқа олмаётганди. Шу сабабли биздан барча ғалабани кутди. Пандемия нафақат футболга балки, барча спорт турларига ўз таъсирини ўтказди. Чемпионат баҳсларига тайёргарлик кўришимиз ва тикланишимиз қийин кечди. Барча йиғинларда тайёргарликни бошидан бошлашга мажбур бўлдик. Мухлисларсиз ўйнаш икки ҳисса қийинчилик туғдирди",- дейди Тимур Талипов.

Абдулазиз Искандаров ёзиб олди

Тимур Талипов тўп тепаётган "Алай" Қирғизистон кубоги соҳиби бўлди