Ўйин ҳақида

- "Шўртан" яхши жамоа эканини кўрдик. Ёш футболчилардан иборат таркиб яхши ўйин кўрсатди деб айта оламан. Бугун омад биз томонда бўлди. Юзага келган вазиятдан унумли фойдаланган ҳолда ғалабага эришдик.

"Шўртан" айни дамда қийин вазиятда эканидан хабардормиз. Жамоанинг келажаги бор, улар тез орада бундай вазиятдан чиқиб кетишига умид қиламиз. Ёш футбрлчилар ўйинлар мобайнида шаклланиб боришади. Биринчи давра билан солиштирганда ҳозирги "Шўртан" анча кучайган, жамоада ўсиш бор.

- Бу йилги мавсумда жамоангиз олдига қандай вазифалар қўйилган?

- Насиб бўлса олдиндаги ўйинларда ғалаба қозониб яхши натижаларни кўрсатмоқчимиз. "Арал Самали" Про-лигага бу мавсумдан қўшилди. Ҳозирда жамоага бўлган эътибор жуда яхши. Биз ҳам яратиб берилаётган шароитларни оқлаш учун астойдил ҳаракат қиламиз.

- Жамоа сафар учрашувларига боришда қандай транспортдан фойдаланмоқда?

- Бизга замонавий автобус ташкил этиб берилган. Ушбу транспортда барча қулайликлар бор ва бизга йўлда қийинчиликлар туғилаётгани йўқ.

- Бугун жамоангиз кам ҳужум ташкил этди, бу режада бор эдими?

- Бугун "Шўртан" жамоасининг имконияиларини билган ҳолда шундай ўйин услуби танладик. Голни стандарт вазиятдан киритдик. Умуман олганда бугунги ўйинга тайёрлаган тактикамиз ўзини оқлади деб айтсак бўлади. "Шўртан" жамоасига навбатдаги учрашувларда омад тилайман.

Тимур Турдиев: "Бугун омад биз томонда бўлди"