Ўйин ҳақида

- Аввало "Нефтчи" жамоасини ғалаба билан табриклайман. Бу ўйинда тажриба ўз сўзини айтди. Мезбонлар биринчи бўлимнинг сўнги дақиқаларида гол уриб кийиниш хонасига яхши кайфият билан чиқиб кетишди. Иккинчи бўлимда йигитларимиз ўзларига ишонмагандек тушишди. Пенальти белгиланган вазиятда футболчимиз голга нисбатан ҳоҳиш билан ҳаракат қилганди, аммо тақдир экан, гол киритилмади. Такрор айтаман, бу ўйинда тажриба ўз сўзини айтди. "Нефтчи" таркибида бир қатор Суперлига ҳавосини кўрган футболчилар бор, шу сабабдан улар бугун устунликка эришишди.

- Бугун икки хил бўлим кўрдик. Биринчи бўлимда "Арал-Самали" жамоаси ёмон кўринмаётганди, иккинчи бўлимда бир оз бўшашгандек туюлишди. Буни қандай изоҳлайсиз?

- Бугун бизга бир оз тажриба етишмади. Айтиб ўтганимдек, "Нефтчи" таркибида тажрибали футболчилар бор, улар бугун шунинг ҳисобига устунликка эришдилар.

- Ёш футболчи Амирбек Абдразиев ўтган мавсумда тўпурар футболчилардан эди. Унинг бу мавсумда захирада қолаётганининг сабаби нима?

- Ҳозирги кунда Амирбек Абдразиев бир оз спорт формасида эмас. Шу сабабдан у захирада қолмоқда. Олдинда иккинчи давра бор, бизда вақт бўлади. Иккинчи даврага бошқачароқ ёндашамиз.

- Иккинчи даврада жамоада ўзгаришлар бўладими? "Арал-Самали" Суперлига йўлланмаси учун курашадими?

- Ҳозирда бизни жамоани ҳар томонлама мукаммал холатга келтириш вазифаси турибди. Биз насиб бўлса босқичма-босқич шаклланиб келажакда Суперлигада ҳам ўйнаймиз деган умиддамиз.

Тимур Турдиев: "Бугунги ўйинда тажриба ўз сўзини айтди"