Ушбу баҳсдан олдин "аристократлар"да футболчилар танлови борасида вазият қулайроқ. Чунки "Челси" сафида захирада қолиб кетаётган футболчилар - Гари Кэхилл, Дэнни Дринкуотер ва Рубен Лофтус-Чиклар майдонга тушиши сўроқ остида.

"Қизил иблислар"да эса вазият жиддийроқ. Манкунианлар сафида Маттео Дармиан, Жесси Лингард, Антони Марсьяль ва Антонио Валенсия жароҳат туфайли "Челси"га қарши ўйнай олмайди. Алексис Санчес борасида қарор учрашувдан олдин қабул қилинади.

Тахминий таркиблар:

"Челси": Аррисабалага, Алонсо, Луис, Рюдигер, Аспиликуэта, Баркли, Жоржиньо, Канте, Азар, Игуаин, Педро.

"Манчестер Юнайтед": Ромеро, Шоу, Жонс, Смоллинг, Янг, Погба, Матич, Эррера, Мата, Лукаку, Рашфорд.

Ушбу баҳсга оид қизиқарли маълумотлар:

- "Челси" Англия Кубоги доирасида ўтказган сўнгги 7та учрашувнинг 6тасида дарвозасини қуруқ сақлаб қолди

- "Манчестер Юнайтед" Англия Кубогидаги сўнгги 8та учрашувнинг 7тасида ғалабага эришди

- "Челси" Англия Кубогидаги охирги 7та баҳснинг 6тасида зафар қучди

- "Манчестер Юнайтед" Англия Кубоги доирасидаги сўнгги 7та ўйиннинг 5тасида ҳар бир бўлимда гол уришга муваффақ бўлди

- "Челси" "Манчестер Юнайтед"га қарши уйида ўтказган охирги 10та ўйинида мағлуб бўлмади

- "Манчестер Юнайтед" Англия Кубогидаги сўнгги 8та ўйининг 7тасида камида 2тадан гол уришга эришди.

Титанлар жанги. "Челси" "Стэмфорд Бриж"да "Манчестер Юнайтед"ни қабул қилади