– Биз ғалабага муносиб эдик. Яна бир бор дарвозамизни дахлсиз сақладик ва уч очко қўлга киритдик. Биздан кутилаётган нарса айнан шу. Ўйлашимча, тўрт ёки бешта гол уриш имкониятимиз бор эди, чунки кўп вазиятлар яратдик, аммо улардан фойдалана олмадик. Бу одатий ҳолат – зич ҳимояни ёриб ўтиш қийин, лекин июнь ойидаги ўйинга нисбатан бу сафар яхшироқ ҳаракат қилдик.

– Жамоа ўзининг идеал ўйинига яқинлашдими?

– Афсуски, идеал ўйин деган нарса йўқ! Биз уни доим қидириб борамиз, лекин у ҳеч қачон тўлиқ амалга ошмайди. Шунинг учун мураббий сифатида ҳеч қачон бутунлай мамнун бўлмаймиз. Бу футбол мураббийи ҳаётининг бир қисми. Аммо бу сафар танқид қилишдан кўра кўпроқ яхши томонларни кўрдим. "Биздан шу талаб қилинади, биз мана бундай ва бундайроқ қилишимиз керак", деган тугунга тушиб қолмайман, – дея Тухельнинг сўзларини УЕФА расмий сайти келтирди.

Томас Тухель: "Идеал ўйин йўқ, аммо жамоам кўп яхши томонларни кўрсатди"