Мазкур рукн орқали мухлислар "Дизайн"нинг декабр ойида қўядиган концертига чипта ютиб олишлари мумкин. Викторина шарти ҳақида сал пастроқда танишасиз.

Эслатиб ўтамиз, "Тўқнашув"нинг дастлабки сонида мухлислар учун берилган викторина саволига тўғри жавобни бўлмаганди. Иккинчи "Тўқнашув"да эса "Azizbek" никли мухлис берилган саволга тўғри жавоб топиб, "Дизайн" концертига чипта ютиб олдилар. Тез орада биз ушбу ғолиб юзер билан боғланиб, ютуқни эгасига топширамиз.

"Тўқнашув"да футболчи, мураббий ёки журналистлар ўзаро виртуаль баҳс бойлашади. Ютқазган тараф, ютган томоннинг бир илтимоси ва викторинада ғолиб чиқадиган мухлис учун чипта тақдим этади.

Бу галги рукннинг мавзуси - Европа Чемпионлар Лигаси.

Қоидага кўра, икки иштирокчи ЕЧЛда ўйнаётган исталган лигани танлайди. Биринчи иштирокчи танлаган лига ва иккинчи тараф олган лига жамоаларининг ушбу турда жамлаган очколари ҳисобланади. Қайси тараф, яъни лига жамоалари кўпроқ очко жамғарса, ўша томон ғолиб бўлади.

"Тўқнашув" рукнининг бу галги қарама-қаршилигида икки сафардан буён енгилмас бўлиб келаётган Шаҳбоз Беғамовга сайтимизнинг икки нафар ходимлари Жасур Асланов ва Хайрулла Холиқов рақиблик қилишади.

Ўтган галги, яъни биринчи "Тўқнашув"да Шаҳбоз Беғамов Толибжон Қосимовдан устун келганди. Шаҳбоз Беғамов танлаган Бундеслига жамоалари АПЛ клубларидан кўпроқ очко йиғишганди. Кейинчалик эса яна Беғамов танлаган Бундеслига жамоалари Холиқовнинг Ла Лига жамоаларидан кучлироқ чиқди.

Бу гал ҳам Беғамов яна ўзи кўпроқ биладиган ва ишонадиган Бундеслигани танлади. Хайрулла Холиқов ва Жасурбек Асланов эса Ла Лига жамоаларига қайта ишонч билдиришди.

"Тўқнашув" №3

ЕЧЛ, 4-тур

Шаҳбоз Беғамов (Бундеслига) - Хайрулла Холиқов ва Жасур Асланов (Ла Лига)

Ўйинлар жадвали:

6 ноябрь
"Интер" - "Барселона" (01:00)
"Шальке" - "Галатасарой" (01:00)
"Атлетико" - "Боруссия" (01:00)

7 ноябрь
"Бавария" - АЕК (01:00)
"Валенсия" - "Янг Бойз" (22:55)
"Виктория Пльзен" - "Реал" (01:00)
"Лион" - "Хоффенхайм" (01:00)

Бу галги викторина шартига кўра, мухлислар бугунги кун Европа чемпионлар лигаси доирасидаги куннинг энг охирги голи муаллифини топган ДАСТЛАБКИ мухлисга (юзер) "Дизайн" концертига чипта тақдим этилади. Чиптани ютқазган иштирокчи мухлисларга харид қилиб беради.
Бир юзер фақатгина бир маротаба изоҳ қолдириши мумкин. Унинг қайта ёзган ёки бошқача вариантда ёзган жавоблари ҳисобланмайди!

ЕЧЛ, 4-тур. Бугунги ўйинлар жадвали

"Монако" - "Брюгге"
"Црвена Звезда" - "Ливерпуль"
"Шальке" - "Галатасарой"
"Атлетико" - "Боруссия"
"Тоттенхэм" - ПСВ
"Порту" - "Локомотив"
"Наполи" - ПСЖ
"Интер" - "Барселона"

"Тўқнашув": Енгилмас Беғамовнинг рақиблари сони ортди