Дастлабки баҳс Туркияга қарши Анталиянинг Аланья шаҳарчасида ўтказилиб, унда терма жамоамиз 2:0 ҳисобида мағлуб бўлди.

Кеча Тошкентга қайтиб келган терма жамоамиз энди 7 июнь куни "Бунёдкор" стадионида КХДРни қабул қилади.

Бўлажак рақибимиз саналган КХДР ўтган йили кузда ҳам Тошкентда ўртоқлик беллашуви доирасида меҳмон бўлганди. Ўшанда терма жамоамиз Марат Бикмаевнинг дубли эвазига ғалаба қозонганди.

Қайд этиш керакки, бу жамоа январда ўтган Осиё Кубогида ҳам иштирок этиб, ўз гуруҳидаги барча ўйинларда йирик ҳисобда мағлуб этилган ва қитъа чемпионатида ўз дарвозасидан энг кўп (14) гол ўтказиб юборганди.

Осиё Кубогидан кейин КХДР ҳали бирорта учрашувда майдонга тушгани йўқ ва 7 июнь куни қитъа чемпионатидан кейинги илк баҳсида терма жамоамиз рақибига айланади.

Кеча Туркиядан Тошкентга қайтган Ўзбекистон терма жамоаси бугундан эътиборан КХДР ва Сурияга қарши ўйинларга тараддуд кўришни бошлайди.

Эслатиб ўтамиз, Ўзбекистон терма жамоаси 7 июнь куни КХДР ҳамда 11 июнь куни "Бунёдкор" стадионида Сурияни қабул қилади.

Тошкентда 140 кундан буён ўйин ўтказмаган жамоага қарши ўйнаймиз