"Бугунги ўйиндаги энг муҳим нарса бу - эркинлик. Сиз кўргансиз, 7,8 ва 9 ёшдаги болалар сингари эркин бўлиб ўйнаш жуда аҳамиятли. Ушбу баҳсда сизни миллиард одамлар кўраётганини ўйламаслик керак. Бу нарса ғалабанинг калити ҳисобланади. Майдонда ўйнаш, югуриш, ҳамма жамоа аъзолари бир-бирига ёрдам бериб, яхши алоқада бўлиши зарур. Чунки, "Ливерпуль" албатта кўплаб яхши сифатларга эга буюк жамоа. Улар жанг қилишга тайёр. Лекин, биз ҳаракат қиламиз. Умид қиламизки, энг яхши жамоа ғалаба қозонади ва бу "Тоттенхэм" клуби бўлади.
10 ой орқага қайтиш ажойиб албатта. Ўшанда мавсум олди тайёргарликни бошлаган ҳамда бир куни шу ерда бўлишимизга ишонгандик ва орадан 10 ой ўтиб биз шу ердамиз" - дейди Почеттино.

Шунингдек, журналистлардан бири Почеттинога "Cиз вазн йўқотгансиз, бу ростми" қабилида ҳазиломуз савол билан мурожаат қилди. Бунга жавобан аргентиналик мутахассис бироз ажабланиб, кейин ҳазил тариқасида ўрнидан туриб озғин эмаслигини, ҳар доимгидек эканлигини намойиш этди.

"Тоттенхэм" бош мураббийи Маурисио Почеттино иштирокидаги матбуот анжумани