BBC хабарига кўра, "Арсенал"нинг Инкапьега қизиқиши кутилмаган ҳол эмас – "канонирлар" 23 ёшли эквадорлик футболчини узоқ вақтдан бери диққат билан кузатиб юрган ва ҳозир келишувга эришмоқда.

Инкапьенинг "Байер" билан 2029 йилгача шартномаси бор, аммо унда 52 млн фунт стерлинг товон пули кўрсатиб ўтилган. Бу сумма тўланса, у леверкузенликлар таркибидан кета олади.

Пьеро "Байер"ни тарк этиш ниятида эканлигини клубга маълум қилган.

У 2021 йилдан бери "Байер" учун 166 ўйин ўтказиб, 2023/24 йилги мавсумда Бундеслигани ютди ва Германия Кубогини қўлга киритди.

Аввалроқ футболчига "Тоттенхэм" қизиқаётгани ҳақида хабарлар тарқалган эди. Кўринишидан, клуб Эберечи Эзе сингари Пьеро Инкапьени ҳам қўлдан бой беради.

Маълумотларга кўра, "Арсенал" ҳимоячиси Якуб Кивёр билан хайрлашса, янги трансфер ҳақиқатга айланади.

"Тоттенхэм" яна оғзидаги ошни "Арсенал"га олдирмоқда