"Шпорлар" ёзги трансфер ойнасида футболчи харид қилмаган Англия чемпионатининг биринчи клубига айланди.

Ушбу натижа 2003 йилдан ҳисобланмоқда, чунки ўша йили барча Европа футбол лигалари учун УЕФА томонидан трансфер ойнасининг ягона формати қабул қилинган.

Англияда трансфер ойнаси кеча, 9 август куни ёпилди.

"Тоттенхэм" бош мураббийи харидлар йўқлигига изоҳ берди.

"Агар таркибни кучайтирадиган футболчи ололмасангиз, энг асосийси - сизда бор энг яхши ўйинчилардан айрилмаслик. Клуб кучли футболчиларни сақлаб қолиб, катта иш бажарди" - дейди Почеттино.

"Тоттенхэм" - ёзда футболчи сотиб олмаган АПЛнинг биринчи клуби