Энг кўп нархи кўтарилган футболчи македониялик Люпчо Дориев бўлди. Вингер "Сўғдиёна" ажойиб мавсум ўтказмоқда: бугунга қадар 11 та ўйинда "гол+пас" тизими бўйича 9+2 баллга эга. Унинг нархи 400 минг еврога кўпайди.

Нархи ошганлар рўйхатида иккинчи ўринда Бектемир Абдуманнонов қайд этилди. "Андижон" етакчисига айланиб олган футболчи 2 та гол урди ва 8 та ассист қайд этди. Абдуманноновнинг нархи икки бараварга ошди ва 500 минг еврога етди.

Акмал Мозговой ва Абдувоҳид Неъматов (иккиси – "Насаф"), "Олимпик" ярим ҳимоячиси Абдурауф Бўриев, "Сўғдиёна" ҳимоячиси Ислом Қобиловнинг нархларига 200 минг евродан қўшилди.

Ислом Маматказин ("Андижон"), Азиз Тўлқинбеков ("Бунёдкор") ва Муҳаммадрасул Абдумажидов ("Пахтакор") каби футболчиларнинг нархи 175 минг евродан ошди. U-23 Осиё кубогида ажойиб ўйнаган "Нефтчи" ярим ҳимоячиси Жасур Жалолиддиновнинг нархи эса 150 минг еврога кўтарилди.

Нархи энг кўп камайган топ-10 футболчилар:
1) Сардор Собирхўжаев ("Пахтакор") - 200 минг евро;
2) Сильванус Нимели ("Сурхон") - 200 минг евро;
3) Шоҳруз Норхонов ("Нефтчи") - 150 минг евро;
4) Диёр Туропов ("Нефтчи") - 150 минг евро;
5) Жалолиддин Жумабоев ("Нефтчи") - 150 минг евро;
6) Михай Роман ("Нефтчи") – 125 минг евро;
7) Ҳожиакбар Алижонов ("Пахтакор") - 100 минг евро;
8) Бобир Абдихолиқов ("Насаф") - 100 минг евро;
9) Ойбек Бозоров ("Насаф") - 100 минг евро;
10) Иброҳим Йўлдошев ("Навбаҳор") - 100 минг евро.

Суперлигада энг қиммат футболчи номини Одилжон Ҳамробеков ўзида сақлаб қолди. "Навбаҳор" ва Ўзбекистон миллий терма жамоаси аъзосининг нархи ҳамон 1,2 млн евро. Қувонарлиси энди Ўзбекистон Суперлигасида нархи 1 миллион ва ундан кўп бўлган 4 нафар футболчи бор: Шерзод Насруллаев, Акмал Мозговой ва Хуршид Ғиёсовнинг нархи миллионга етди.

Уч нафар футболчининг нархи 900 минг евро – Абдувоҳид Неъматов ("Насаф"), Ҳожиакбар Алижонов ("Пахтакор") ва Люпчо Дориев ("Сўғдиёна"). Топ-10'ни нархи 850 минг евро бўлган футболчилар якунлаб беришди – Жасур Жалолиддинов ("Нефтчи"), Достонбек Ҳамдамов ("Пахтакор") ва Жамшид Искандеров ("Навбаҳор").

Transfermarkt: Энди Ўзбекистон Суперлигасида нархи камида 1 миллионлик 4 футболчи бор!