Юрген Клопп шогирдлари чемпионат турнир жадвалида тўртинчи ўринда бораётган "Манчестер Юнайтед"дан 7 очко ва пешқадам "Арсенал"дан 16 очко ортда қолмоқда.

"Менимча, одамлар... ҳозирда яна юқори даражада ўйин кўрсатишимизни кутмоқда. "Ливерпуль" ўз муваффақияти қурбонига айлангандек. Одамлар биздан ҳар мавсум мукаммал ўйин кутади. Мавсумни кучсиз ўтказишимиз тақиқланган. Бизга баркарорлик керак, биз ҳам буни ўзимиздан кутяпмиз.

Бу мавсумдан қониқа олмасак-да, олдинда ҳали кўп вақт бор. Менимча, ҳали йўлнинг ярмига ҳам келганимиз йўқ. Олдинда ҳали узоқ йўл бор, мен ҳали бизни ҳисобдан чиқармаган бўлардим.

Шундай вақт келадики, ҳаммаси жойига тушади ва биз аввалги ҳолимизга қайтамиз. Бу содир бўлганида ҳамма хурсанд бўлади. Бу вақт масаласи", – деди "Ливерпуль" ҳимоячиси.

Трент Александер-Арнольд жорий мавсум Мерсисайд клуби сафида барча мусобақаларда жами 24 та ўйинда майдонда ҳаракатланди ва 3 та гол уриб, 2 та ассист қайд этди.

Трент "Ливерпул"нинг ҳозирги ҳолати ҳақида гапирди