Улуғбек Бақоев қўл остида гоҳ чап қанот ҳимоячи, гоҳида эса чап қанот ярим ҳимоясида вингер сифатида пайдо бўладиган Санъат Шихов "Пахтакор"га қарши ўйинни жуда яхши ўтказди. Чап қанот ҳимоясида ўйнаган футболчи баҳс давомида нафақат фаоллиги билан, балки икки бор "Бухоро"ни муқаррар голлардан сақлаб қолгани билан ажралиб турди. Айнан Санъат Шиховнинг икки бор дарвоза чизиғи устидан тўпни қайтаргани якунда "Бухоро" ғалабасини таъминлади.

Биринчи вазиятда Аъзамовнинг дарвоза томон тепган зарбасини бартараф этган Шихов, сўнгра дарвозабон Асилбек Амоновнинг тўпга чиқишда йўл қўйган хатосидан кейин Гриффитснинг дарвозага йўллаган зарбасини ҳам чизиқ устидан бартараф этишга улгурди. Акс ҳолда таблодаги ҳисоб меҳмонлар фойдасига очилиши муқаррар эди. Шу боисдан Санъат Шихов сўзсиз тур футболчисига айланди.

Тур футболчиси - Санъат Шихов