Суперлиганинг 2-турида Қаршида Жиззахнинг "Сўғдиёна" жамоасини қабул қилган "Насаф" рақибининг дастлабки мағлубиятига сабабчи бўлди. Рўзиқул Бердиевнинг мазкур ўйинга танлаган режаси буткул иш берди ва қаршиликлар ўйин борасида ҳам, натижа бўйича ҳам муваффақият қозонишди. Натижада жамоа 4 очко билан турнир жадвалининг иккинчи поғонасига кўтарилиб олди.

Гарчи мавсум олдидан мавжуд етакчиларидан айрилган "Насаф"да Рўзиқул Бердиев ёшлар билан ҳам рақобатбардош жамоа тузаётганини исботлади. Айни пайтда Бердиев бошчилигидаги жамоа нафақат ўйин сифати ёки чиройли футбол кўрсатиш, балки шу орқали натижага эришишни ҳам уддаламоқда. Бунинг замирида эса албатта Рўзиқул Бердиевнинг меҳнати ётибди. Шу боисдан ҳам мазкур турда айнан мураббийлик маҳорати эвазига ғалабани таъминлаган Рўзиқул Бердиев турнинг энг яхши мураббийи деб топилди.

Суперлига, 2-тур: Актамовнинг ҳалоскори - Элгужа, уч хил натижа бўйича ягоналикни сақлаб турган жамоалар ва бошқа тафсилотлар ҳақида (тур шарҳи)

Тур мураббийи - Рўзиқул Бердиев