Туркия саралаш босқичидаги гуруҳларда учинчи ўринни эгаллаган жамоалар ичидан энг яхши кўрсаткичга эга бўлди ва тўғридан-тўғри Европа чемпионатининг финал босқичига чиптани қўлга киритди.

3-ўринлар орасида энг яхшиларни аниқлаш учун ўша гуруҳларда 6-ўринни олган жамоалар билан натижалар бекор қилинади. Сабаби сўнгги I гуруҳида 5та жамоа бор. Туркия терма жамоаси гуруҳда 18 очко жамғарди, энг сўнгги ўриндаги Латвия терма жамоаси билан ўйинлар бекор қилингач турклар ҳисобида 16 очко қолди. Венгрия эса 16 очко тўплади. Сўнгги ўринни олган Греция билан ўйинлар бекор бўлгач уларнинг ҳисобида 15 очко қолди.

Шу тариқа Туркия Францияга йўлланма олди, Венгрия эса плей-офф ўйинлари орқали Францияда бўлиб ўтадиган Европа чемпионатига бориш учун кураш олиб боради.

Туркия Евро-2016 финал босқичида