Аксинча, "Бунёдкор" - "Локомотив" (1:2) учрашувини бошқарган Аҳрол Рисқуллаев бошчилигидаги ҳакамлар бригадасининг қўпол хатоси якунда ўйин натижасига таъсир кўрсатди. Одатга кўра турнинг энг яхши ҳаками аниқлаб келаётгандик. Суперлиганинг 8-турида бу номинацияга лойиқ ҳакам топилмади. Турнинг энг ёмон ҳаками сифатида эса Аҳрол Рисуллаев ва унинг бригадасини кўрсатиш мумкин.

Эслатиб ўтамиз, Аҳрол Рисқуллаев ҳамда ён қанот ҳаками Алишер Усмонов учрашувнинг 86-дақиқасида бўлган вазиятда "қовун" туширишди. Бу вазиятда ким пенальти бўлганига ишора қилди? Аввалига Рисқуллаев "нуқта"ни кўрсатмади ва орқага кетмоқчи бўлди. Қанот ҳаками эса ўзидан-ўзи журима майдончаси ичига югуриб кирди. Хўп, агар пенальтини қанот ҳаками белгилаган бўлса, унда нега байроқчасини кўтармади? Рисқуллаев эса қанот ҳакамининг майдонга югуриб келаётганини кўриб "нуқта"ни кўрсатди. Бу ерда бош ҳакам Рисқуллаев ҳам, ён қанот ҳаками Алишер Усмонов ҳам ўз мажбуриятларини унутиб қўйишди чоғи. Видеода аниқ ва тиниқ кўринган. Пенальтини ким белгилагани тушунарсиз. Лекин якуний қарорни қабул қилиши керак бўлган Аҳрол Рисқуллаев бу вазиятда ўйин статусига мос тушмаганини исботлади ва якунда ўйин натижасига таъсир кўрсатган кўпол хатога йўл қўйди.

Аслида эса Анвар Ғофуров ўша вазиятда тўпни узоқлаштирди ва эпизод жарима майдончаси ташқарида содир бўлди.

TAS-IX эмас

Турнинг энг яхши ҳаками йўқ! Рисқуллаев турнинг энг ёмон ҳаками!