"Хабарингиз бор, маҳоратли ҳужумчи Хумоюн Муртозаев ортда қолган икки мавсумдан буён жамоамиз сафидаги ёрқин ўйинлари билан мухлислар эътиборини қозониб келмоқда. Жумладан, у жорий мавсумнинг ўзида рақиблар дарвозасига 15 та гол киритди ва жамоамиз тўпурарига айланди.

Ўзаро келишувга кўра, бугун Хумоюн Муртозаев ва клубимиз ўртасидаги шартнома яна икки йиллик муддатга узайтирилди.

Клубимизнинг барча вакиллари ва мухлислари номидан Хумоюн Муртозаевга жамоамиздаги навбатдаги фаолиятида ҳам улкан зафарлар ёр бўлишини тилаб қоламиз",- деб ёзади клуб матбуот хизмати расмий телеграм канали.

"Турон": Ҳумоюн Муртозаев билан шартнома икки йилга узайтирилди