Мазкур ўйин Андижон вилояти “Олтинкўл" ўйингоҳида ташкил этилди.

Учрашувнинг дастлабки дақиқаларида "Андижон" ёшлари рақиблари дарвозасига гол киритиб, ҳисобни очдилар. Андижонликларнинг тезкор голига Дилмурод Қаҳҳоров муаллифлик қилди. Биринчи бўлим ўрталарига келиб "Турон" жамоасининг тажрибали ҳужумчиси Мўйдин Мамазулунов "Андижон" ёшлари дарвозасига гол киритиб, ўртадаги мувозанатни тиклади - 1:1. Биринчи бўлим шу тариқа дуранг натижа билан якунига етди.

Учрашувнинг иккинчи бўлими ҳар икки жамоа вакилларининг фаол ҳаракатлари билан бошланди. Кетма-кет учрашувларда рақиб дарвозасини ишғол қилиб келаётган ёш футболчи Дониёр Тўлашов 55- дақиқада “Турон" жамоасини олдинга олиб чиқди. Иккинчи бўлим сўнги дақиқаларига келиб Рустам Қўчқоров андижонликларнинг иккинчи голини киритди - 2:2. Учрашув шу тариқа дуранг натижа билан якунига етди.

Назорат учрашуви.

"Андижон" (U-21) - “Турон" 2:2 (1:1)

Голлар: Дилмурод Қаҳҳоров (1:0), Мўйдин Мамазулунов (1:1), Дониёр Тўлашов (1:2), Рустам Қўчқоров (2:2)

Бош ҳакам: Алишер Тўхтасинов.

"Андижон" (U-21): Жавоҳир Қиличев, Абдуллоҳ Абдулазизов, Сардор Маъруфжонов, Машҳурбек Мирзаев, Дилмурод Абдуқаҳҳоров, Муҳаммадазиз Иброҳимов, Муҳаммадкарим Тоиров, Пўлат Шарифов, Асилбек Азизов, Бекзод Ғаниев, Жамшид Ҳамидов

“Турон": Мухриддин Аҳмедов, Шохрух Холматов, Дониёр Тўлашев, Жасур Юлдашалиев, Оқил Маҳмудов, Аҳрор Умаржонов, Ойбек Ахматов, Аъзамжон Саминжонов, Достон Мелиқўзиев, Мўйдин Мамазулунов, Отабек Исроилов

Бекзод Толибов тайёрлади.

"Турон" назорат учрашувида "Андижон" ёшлари билан дуранг ўйнади