Тадбирда жамоа раҳбарлари, футболчилар, мураббийлар, фан-клуб аъзолари, мухлислар билан бир қаторда, Ўзбекистон тумани хокими, вилоят спорти раҳбарлари ҳам қатнашди. Тадбирни Ўзбекистон тумани ҳокими Шерзод Юлдашев очиб берди. Сўнгра Фарғона вилояти футбол ассоциацияси вице-президенти Носирбек Отақўзиев ва "Турон" жамоаси таъсисчиси Қодирхон Аҳмедовлар сўзга чиқди.

"Туманимизга Суперлига жамоалари келиб маҳаллий мухлисларимиз кўз ўнгида футбол ўйнашини ўзи биз учун катта бахт",- деди Қодирхон Аҳмедов.

Шундан сўнг "Турон" футболчилари навбати билан ўзлари ўйнайдиган рақамлардаги футболкаларни кўрсатиб таништирилди. Таништирув сўнггида "Турон" жамоаси бош мураббийи Исломбек Исмоилов сўзга чиқиб яратиб берилаётган шароитларучун раҳбарлар ва ҳомийларга раҳмат айтди. Фан-клуб аъзолари эса жамоа мадҳиясини жонли куйлаб берди.

"Турон" янги футболчиларни таништирув маросимини ўтказди