Жиззахда кечган "Сўғдиёна" - "Динамо" учрашуви муросасиз ва курашларга бой ўтди. Мезбонлар сўнгги дақиқаларда пенальтидан урилган гол эвазига мағлубиятдан қутилиб қолди. Бу эса ҳакамликка оид бир қанча эътирозларни юзага келтирди.

Championat.аsia сайтининг ҳакамлик бўйича эксперти, россиялик собиқ ҳакам Анатолий Синяэв ("Алё, реф!" Телеграм-канали) кеча бўлиб ўтган "Сўғдиёна" - "Динамо" (1:1) ўйинидаги пенальти белгиланган вазиятни таҳлил қилди.

- Тушунишимча, ҳакам пенальтини ўзи белгиламаган - уни мониторга чақиришган. Менимча, бу ерда футболчилар ўртасидаги оддий контакт бўлган. Иккаласи ҳам тўпга қаради ва биринчи бўлиб тўп ўйнашга интилди. Нормал, ўзаро кураш.

Бу ерда энг муҳими, ҳакам аввалига вазиятни ўйин эпизоди сифатида баҳолади ва ВАРни кўриб чиққандан кейингина пенальти белгилади. Бу нуқтани қайта кўриб чиқишдан маъно йўқ эди. Албатта, ҳаммаси "яккакурашлар режаси"га боғлиқ. Лекин контакт ҳимоячининг ташаббуси билан бўлмади, бу одатий ўйин тўқнашуви. Ҳимоячи томонидан ошкора туртки, қўшимча ҳаракат йўқ.

"Тушунишимча, ҳакам пенальтини ўзи белгиламаган, уни мониторга чақиришган" — "Сўғдиёна" - "Динамо" учрашуви ҳакамлик муҳокамаси