“Мбаппе билан ишлаш қийинми? Йўқ, биз бу ҳақда жуда кўп гапираяпмиз. Килиан доим майдонда бўлишни истайди. Баъзида у норози бўлади ва буни оммага кўрсатишни яхши кўради. Балким сизда уни бошқариш осон эмаслиги ҳақида тасаввур уйғонган бўлиши мумкин, аммо бу ундай эмас. Бу ҳолат атиги бир неча дақиқа давом этади, холос. У ақлли фтболчи”, дея Тухелнинг сўзларидан иқтибос келтирмоқда Goal.com.

Эслатиб ўтамиз, Франция чемпионатининг 17-турида “Монпелье” – ПСЖ (1:3) учрашувнинг сўнгги дақиқаларида Мбаппе захирага олинганидан норози бўлганди. Учрашувнинг 90-дақиқасида 20 ёшли франциялик футболчи ўз ўрнини Эрик Шупо-Мотингга бўшатиб берганди. Тухель ўз қарорини футболчига тушунтиришга ҳаракат қилмоқчи эди, аммо Мбаппе мураббийга эътибор қилмасдан захира ўриндиғи томон йўл олди.

Жорий мавсумда Мбаппе ПСЖ таркибида 10 та учрашувдан майдонга тушиб, 7 та гол урди ва 4 та голли узатмани амалга оширди.

Тухель: “Мбаппе норозилигини намойиш этишни яхши кўради”