Учта гуруҳда баҳслар бошланиб бўлган ва бошқа гуруҳларда энди старт олади. Аввало шуни айтиш айтиш керак, U-16 Осиё чемпионатининг амалдаги ғолиби Япония ҳисобланади. Ўтган йил Малайзияда ўтказилган қитъа биринчилигида Япония финалда Тожикистонни мағлуб этган.

Навбатдаги мусобақа 2020 йил 16 сентябрь - 3 октябрь оралиғида бўлиб ўтади, фақат ҳозирча мезбон мамлакат маълум эмас. U-16 Осиё чемпионати саралаш ўйинларида жами 47та давлат иштирок этади. Жамоалар тўрт ва бештадан 11та гуруҳга бўлинган. Ҳар бир гуруҳ ўйинлари ОФК томонидан белгилаб қўйилган мамлакатда ўтказилади.

"A" гуруҳи - Иордания (мезбон), Қувайт, Тожикистон, Непал, Шри Ланка.

"B" гуруҳи - Ўзбекистон (мезбон), Ҳиндистон, Баҳрайн, Туркманистон.

"C" гуруҳи - Эрон (мезбон), Афғонистон, Фаластин, Мальдив.

"D" гуруҳи - Саудия Арабистони (мезбон), Уммон, Сурия, Покистон.

"E" гуруҳи - Қатар (мезбон), Яман, Бангладеш, Бутан.

"F" гуруҳи - Қирғизистон (мезбон), Ироқ, Ливан, БАА.

"G" гуруҳи - Индонезия (мезбон), Хитой, Филиппин, Бруней, Шимолий Мариана ороллари.

"H" гуруҳи - Вьетнам (мезбон), Австралия, Мўғулистон, Тимор Лесте, Макау.

"I" гуруҳи - Сингапур (мезбон), КХДР, Гонконг, Гуам.

"J" гуруҳи - Лаос (мезбон), Япония, Малайзия, Камбоджа,

"K" гуруҳи - Мьянма (мезбон), Жанубий Корея, Таиланд, Хитой Тайпеи.

Ўзбекистон U-16 терма жамоаси жой олган баҳслар Тошкентда бўлиб ўтади. 18-22 сентябрь оралиғидаги ўйинларга ТТЙМИ ва "Жар" стадионлари мезбонлик қилади. U-16 Осиё чемпионати саралаши ва келаси йил мусобақанинг ўзида 2004 йил 1 январдан кейин туғилган футболчилар ўйнаш имконига эга бўлади.

Саралаш баҳслари 14-22 сентябрь оралиғида қуйидаги давлатларда бўлиб ўтади: Иордания, Ўзбекистон, Эрон, Саудия Арабистони, Қатар, Қирғизистон, Индонезия, Вьетнам, Сингапур, Лаос, Мьянма.

Саралаш ўйинлари форматига кўра, ҳар бир гуруҳ ғолиблари (11 жамоа) ҳамда энг яхши кўрсаткичга эга 4та иккинчи ўрин эгаси келаси йилги U-16 Осиё чемпионатига йўлланма олади. Агар мана шу 15та жамоа орасида бири мезбон сифатида танланадиган бўлса, унда энг яхши кўрсаткич қайд этган бешинчи жамоа ҳам мусобақага боради. U-16 Осиё чемпионатида 16та жамоа иштирок этади.

U-16 Осиё чемпионатига саралаш. Ҳаммамиз билишимиз керак бўлган маълумотлар