Эслатиб ўтамиз, Ўзбекистон U-16 ўсмирлар терма жамоаси саралашнинг «А» гуруҳида Шри-Ланка, Баҳрайн, Фаластин, Қирғизистон ва Тожикистон U-16 ўсмир қизларига қарши ўйнаши аввалроқ маълум бўлган эди. Саралаш баҳсларига эса 4-13 октябрь кунлари Вьетнам мамлакати мезбонлик қилиши керак эди. Аммо, ОФК якунда мазкур мусобақа мезбонлигини Вьетнамдан Баҳрайнга кўчирди. Таъкидлаш лозим, Мазкур саралаш гуруҳида иштирок этиши лозим бўлган тўрт терма жамоа - Тожикистон, Қирғизистон, Фаластин ва Шри-Ланка U-16 қизлар терма жамоалари ўз хоҳишларига кўра мазкур саралаш ўйинларида иштирок этмайдиган бўлишди. Шу тариқа, А гуруҳида фақат икки терма жамоа - Баҳрайн ва Ўзбекистон U-16 қизлари Осиё Чемпионати финал босқичи йўлланмаси учун кураш олиб борадиган бўлишди.

ОФК тасдиқлаган регламентга мувофиқ Баҳрайн ва Ўзбекистон терма жамоалари 22 ва 25 декабрь кунлари ўзаро икки марта ўйин ўтказишади ва ғолиб номини аниқлашади.

Маълумот учун, 2013 йили ўтказилган U-16 Осиё Чемпионатида дастлабки тўрт ўринни эгаллаган терма жамоа (Япония, КХДР, Хитой, Таиланд), 2015 йилги Осиё Чемпионати финал босқичига саралаш ўйинларисиз йўлланмани қўлга киритган.

U-16 ўсмир қизлар ўртасидаги ОЧ-2015, саралаш баҳслари.
22-25 декабрь, Манама, Баҳрайн.
«A» гуруҳи.
Ўзбекистон
Баҳрайн

U-16 ўсмир қизлар ўртасидаги ОЧ-2015 саралаш баҳсларига Баҳрайн мезбонлик қилади