Аргентина яшил майдонлари мезбонлик қилаётган 2023 йилги U-20 жаҳон чемпионати 1977 йилдан бери 23-маротаба ташкил этилмоқда ва ҳар икки йилда бир маротаба ўтказилади.

Сўнгги мундиал аслида 2021 йил Индонезияда ўтказилиши лозим эди, аммо COVID-19 пандемияси туфайли турнир бекор қилинди ва жанубий-шарқий Осиё мамлакати 2023 йил мусобақага мезбонлик қиладиган бўлди. Бироқ жорий йилнинг 29 мартида индонезияликларнинг турнирда Исроил иштирокига қарши намойишларидан сўнг мамлакат мундиал мезбонлигидан маҳрум этилди. 2023 йилнинг 17 апрелида ФИФА Аргентинани Индонезия ўрнига турнирнинг янги мезбони сифатида расман эълон қилди.

Финал босқичида олти қитъадан ташриф буюрадиган 24 мамлакат иштирок этади. Доминикан Республикаси ва Исроил мусобақада дебют қилади.

Аргентина 2023 йилги Жанубий Америка U-20 чемпионати доирасида мундиал саралашидан ўта олмаган бўлса ҳам, Индонезия ўрнига мезбон мамлакат сифатида турнирга йўлланмани қўлга киритди.

20 ёшгача бўлган футболчилар ўртасидаги мундиалда энг кўп ғолибликни Аргентина терма жамоаси қўлга киритган (6 маротаба). Амалдаги чемпион эса Украина ёшлари саналади, бироқ европаликлар жорий мундиалда титулни ҳимоя қила олмайди.

“Glorious” деб номланган турнирнинг расмий таронаси индонезиялик "Weird Genius" триоси томонидан ёзилган ҳамда Лиодра, Тиара Андини ва Зива Магноля билан биргаликда ижро этилган.

Гуруҳлар

A гуруҳи

Аргентина

Узбекистан

Гватемала

Янги Зеландия

B гуруҳи

АҚШ

Эквадор

Фижи

Словакия

C гуруҳи

Сенегал

Япония

Исроиль

Колумбия

D гуруҳи

Италия

Бразилия

Нигерия

Доминикана

E гуруҳи

Уругвай

Ироқ

Англия

Тунис

F гуруҳи

Франция

Жанубий Корея

Гамбия

Гондурас

Турнирга Аргентинанинг тўртта шаҳридан тўртта стадион мезбонлик қилади, булар:

- Ла-Плата шаҳри, "Estadio Único Diego Armando Maradona" (53 000 томошабинга мўлжалланган);

- Сантьяго-дель-Эстеро шаҳри, "Estadio Único Madre de Ciudades" (30 000 томошабинга мўлжалланган); Ўзбекистон ёшлар терма жамоаси гуруҳ босқичидаги барча учрашувларни мазкур майдонда ўтказади;

- Мендоса шаҳри, "Estadio Malvinas Argentinas" (42 000 томошабинга мўлжалланган);

- Сан-Хуан шаҳри, "Estadio San Juan del Bicentenario" (25 286 томошабинга мўлжалланган).

Ҳар бир гуруҳнинг энг яхши икки ҳамда олти гуруҳдан учинчи ўринни эгаллаган тўртта энг яхши жамоа 1/8 финал босқичига йўл олади. Аргентина ва Ўзбекистон вақтлари оралиғи 8 соатни ташкил этади, шу боис кўпгина ўйинлар мамлакатимизда тун чоғига тўғри келади.

Ўзбекистон U-20 терма жамоасининг тақвими

Гуруҳ босқичида жамоалар рейтинги қуйидагича аниқланади:

1. Гуруҳ ўйинларида тўпланган очколар;
2. Гуруҳ ўйинларидаги тўплар нисбати;
3. Гуруҳ ўйинларида урилган голлар сони.

Агар юқоридаги учта мезон бўйича икки ёки ундан ортиқ жамоалар тенг бўлиб қолса, уларнинг рейтинги қуйидагича аниқланади:

4. Ушбу жамоалар ўртасида гуруҳ баҳсларида тўпланган очколар;
5. Ушбу жамоалар ўртасида гуруҳ баҳсларидаги тўплар нисбати;
6. Ушбу жамоалар ўртасида гуруҳ баҳсларидаги урилган голлар сони.

Чипталар

Чипталарни ФИФА расмий сайти орқали ёки стадион кассаларидан харид қилишингиз мумкин.

Трансляция

Мусобақани намойиш этадиган телеканаллар рўйхати ҳали расман эълон қилинмади, бироқ Ўзбекистон ёшлар терма жамоасининг иштирокини инобатга олган ҳолда мамлакатимиз ҳудудида "Спорт" телеканали трансляция ҳуқуқини сотиб олиши мумкин.

U-20 Жаҳон чемпионатининг тўлиқ тақвими

U-20 жаҳон чемпионати статистикаси: Марадона, Месси ва Ҳоландлар нима каромат кўрсатган?

Ёшлар термасидаги шонли йўлини давом эттира олган ўзбекистонликлар

U-20 жаҳон чемпионати. Маскерано танлаган 21 нафар футболчи

U-20 Жаҳон чемпионатининг барча "Олтин тўп" соҳиблари: Марадона, Просинечки, Савиола, Исмоил Матар, Месси, Агуэро, Погба ва бошқалар

U-20 Жаҳон чемпионати. Ўзбекистон терма жамоаси иштирокидаги ўйинларнинг бошланиш вақти маълум

МундиалГАЧА. 2003 йилги Жаҳон чемпионати ёхуд Маскерано ва Иньестага қарши ўзимизнинг Гейнрих, Иномов, Суюновлар

Ўтмишга назар. 20 йил муқаддам бир киши кам Ўзбекистон ёшлар ўртасидаги ЖЧда Аргентинага ютқазган

U-20 жаҳон чемпионати. Ўзбекистон ёшларининг рақиблари билан танишамиз, жумладан, Аргентина билан ўтган йили тўқнаш келганмиз

МундиалГАЧА. Смоллинг, Айю, Триппьерга қарши ўзимизнинг Каримов, Нагаев, Қувватовлар ёхуд Миср-2009 Жаҳон чемпионати

U-20 жаҳон чемпионати: иштирокчилар, стадионлар, чипталар