Осиёнинг энг кучли 16та терма жамоаси қитъа чемпионлиги ва Жаҳон чемпионати йўлланмаси учун кураш олиб боришади.
Сайтимизда Тошкентдаги "Локомотив", Фарғонадаги "Истиқлол" стадионлари мусобақага тайёрлиги ҳақида фотогалереялар чиқди.
Лекин замонавий футболда футбол бу фақат 90 дақиқалик ўйиндан иборат эмас. Ўйинга тайёрланишдаги энг муҳим жиҳатлардан бири машғулот майдонидир. Хўш, Ўзбекистондаги U-20 Осиё кубоги иштирокчилари қандай майдонларда машғулот ўтказишмоқда ва ўтказишади?
Дастлаб шунчаки суратларни томоша қилинг:
Ҳолат ачинарли тўғрими? ОФК Ўзбекистонда халқаро мусобақага топшираётганда бизга фақат ўйинлар ўтадиган 4та стадион керак деб айтмагандир. Лекин Япония Қибрайга бориб энг сифатсиз машғулот майдонида шуғулланиши, футболчилар чўмилиши ва ҳожатини чиқариши (!!!) учун душ ва ҳожатхона йўқлиги ҳақида ҳеч ким бош қотириб кўрмаган.
Эртага Японияда халқаро мусобақа бўлса ва Ўзбекистон терма жамоасига худди шундай муносабатда бўлинса Япония томонидан хафа бўламиз.
ЎФА ҳар бир стадион ва машғулот майдони учун ОФКдан келадиган сумманинг маълум бир қисмини берса, ёки ўзи ўша пулларни сарфлаб майдонларни яхшиласа, душ, ҳожатхона ва ҳоказоларни қурса кейинчалик яна халқаро мусобақа бўлса фойдаланса бўладику. Нега бу харажатлар ҳам клубларга илиниши керак?
"Жар" захира майдони бўлажак мусобақадан кейин илма-тешик бўлиб кетса керак. Аслида ҳозир ҳам майдон яхши ҳолатда дея олмаймиз.
Тожикистон U-20 терма жамоаси устози бугунги матбуот анжуманида машғулот майдонлари ҳақида жуда ҳам куюниб гапирди. Бундай майдонда футболчи жароҳат олиш эҳтимоли юқорилигидан нолиди.
Яна бир терма жамоа вакиллари эса нега бизга машғулот ўтказиш учун "огород"ни бердинглар деб кинояли гап қилгани ачинарли. Бу гапларга кулиш эмас, йиғлаш керак аслида.
Мақолани қуйидаги расм билан тугатаман:
Изоҳлар